Dim lights Pa 9:30 ora local di e region di Urals na Russia habitantenan a keda sorprendi pa un luz y sonido di impacto masha duro cu a kibra bentana, manda plafond abou y pone tur hende bay den panico. E explosion tabata similar na un temblor cu sonido di strena. E impacto a causa daño na varios edificio den tres ciudad.
Durante reunion cu tur e cardinalnan awe dialuna na Vaticano, Papa Benedicto XVI di 85 aña di edad a anuncia su retiro entrante dia 28 di februari 2013. E no tin ni 8 aña den funcion y ta bira e prome Papa den 600 aña pa tuma su retiro asina lihe.Durante e reunion e Sumo Pontifice a bisa e Cardinalnan cu el a yega na e decision aki despues di a samina su consenshi dilanti di Dios.
E salario di Minister y Secretarionan di Estado individual a keda publica na Hulanda. Solamente detayenan cu por mustra riba nan siguridad ta keda confidencial. Minister Plasterk di Asuntonan Interior y relacionnan di reino a manda un carta pa Tweede Kamer. Conseho di Minister a vota riba esaki. E salarionan standard di e Ministernan ya pa añanan largo ta publico. Esaki ta awo 144.108 Euro bruto pa aña pa tur Minister, incluyendo vakantiegeld y uitkering pa fin di aña.
Un situacion di mal tempo den e area di New York, Newark, Boston, New Jersey y otro estadonan den e area a percura pa cancelacion di 17 mil vuelo. Entre e vuelonan ey ta esunnan pa Aruba y di Aruba pa tur e areanan ey. E ta bira un problema pa nos turismo, cu ta conta cu yegada di turistanan for di e area ey di New York pa carnaval.
Dos stranhero haya morto den boto ta drief na Sta Marta, Colombia
Thursday, 07 February 2013 10:55
Autoridadnan Colombiano na Santa Marta ta investigando caso misterioso unda a bin haya boto cu dos curpa abordo. Ta papia cu ambos curpa ta nacionalidad stranhero.
Transmision di International Carnival Queen for di Korsou
Thursday, 31 January 2013 17:59
Awenochi pa 7.30 den World Trade Center na Korsou lo tuma lugar e International Carnival Queen Election. Un gran cantidad di dama for di rond mundo incluyendo Aruba lo participa pa e titulo maximo. Pa Aruba nos lo wordo representa pa Lynette do Nacemiento. E señal lo ta di CBA Television di Korsou. Un danki na CBA pa e tremendo cooperacion.
Studiantenan na Hulanda a experencia retraso den ricibi nan Aruba Lening
Wednesday, 30 January 2013 01:08
Studiantenan na Hulanda e ultimo dianan aki no tabata contento pa locual a sosode. Normalmente rond di dia 23 of 24 mas tarda nan ta ricibi nan placa di fiansa for di Arubahuis. E luna aki e pago no a pasa manera ta custuma. Te diamars dia 29 di Januari 2013 ainda tin varios studiante cu no a ricibi e placa.
Reina Beatrix lo abdica trono pa Prins Willem Alexander
Monday, 28 January 2013 13:37
Dim lights S.M. Reina Beatrix lo abdica e corona di Reino Hulandes pa su yiu homber Prins Willem Alexander van Oranje Nassau tuma over 30 di April di e aña aki. Esaki e la haci oficial den un anuncio 2 or di atardi for di Huis Den Bosch transmiti riba radio y television sigui pa un reaccion di Prome Minister Rutte for di Torentj na Den Haag. Reina Beatrix a keda corona riba 30 di April 1980. Click lesa mas pa e discurso completo of play pa mira y scucha e discurso....
Premier Eman na apertura di scolnan: “Nos ta contento di por a habri porta di educacion pa mas di mil mucha”
Friday, 25 January 2013 19:03
Prome Minister Mike Eman, presente durante apertura di dos scol nobo na Haiti cu a wordo construi cu placa recauda na Aruba, a keda hopi conmoví pa e ceremonia y e gradicimento grandi cu a wordo expresa den direccion di Aruba. Prome Minister Eman hunto cu algun persona e tempo ey envolvi den Cruz Cora Aruba a biaha pa Haiti specialmente pa e ceremonia aki.
Michaele Amedee Gedeon, Cruz Cora Haiti: “Awe ta un dia di celebracion pa Haiti”
Friday, 25 January 2013 18:57
“Awe ta un dia di celebracion pasobra nos ta inaugurando no un pero dos scol den un comunidad, danki na e hendenan y Gobierno di Aruba,” esaki tabata palabranan di Michaele Amedee Gedeon kende ta Presidente di Cruz Cora na Haiti. Ora di apertura el a tira un discurso cu a pone tur hende den emocion. E palabranan tabata grandi y su aprecio pa loke Aruba a haci sigur tambe a wordo vocifera.
Michel Joseph Martelly Presidente di Haiti: Mike Eman bon bini na bo pais y bo cas
Tuesday, 22 January 2013 20:34
Diamars atardi prome minister Mike Eman a yega Haiti. Un bishita di dos anochi. Esaki ta un bishita cu tabata pendiente. Manera ta conoci Aruba su pueblo a saca un man y hunto a logra acumula un suma di 1.3 miyon florin tempo cu un temblor a causa un danjo grandi na Haiti. Algun 100 mil hende a muri den e desaster natural aki.
.JPG "Read more...")
 (Medium).JPG "Read more...")
