Capriles Radonsky: "No lucha pa'mi, ban lucha pa Venezuela" E candidato presidencial pa unidad na Venezuela, Capriles Radonsky, a participa diasabra den un parada na Coro, estado Falcon, cu a culmina riba Avenida Buchivacoa, caminda ela dirigi su mes na su sostenedonan, sigurando nan cu su meta no ta pa duna forma na un partido, sino pa "construi un pais".

Diadomingo merdia pa 12:31 ora local di Aruba, Colombia a keda sacudi pa un temblor basta fuerte riba e magnitud di 7.3. E epicentro a keda registra den area di La Vega, Cauca y a keda sinti for di ciudad capital Bogota te cu Medellin, Cali, Popayan y tambe region pa nort di Ecuador. E profundidad di e temblor tabata den careda di 168 kilometer bou tera. Te con leu no a raporta dañonan serio ni tampoco heridonan di gravedad. Autoridadnan ta pidi pa tur hende keda calmo.

Capriles Radonsky ta kibra record yenando e stadion di Magallanes durante culminacion di su campaña presidencial na Valencia, den estado Carabobo. E candidato presidencial di Venezuela, Henrique Capriles Radonsky, un politico di apenas 40 aña cu a yega di fungi como presidente di Parlamento, alcalde y gobernador, ta un desafio grandi pa e actual presidente di Venezuela, Hugo Chavez, cu tin 14 aña na poder.