| SETAR ta duna canal comunitario 49 un bachi y contenido nobo cu 24ora.com |
 |
 |
| Monday, 17 May 2010 16:25 | |||||||||||||||||||||
 E canal di informacion di SETAR, canal 49 a conoce un cambio pa loke ta trata contenido. Setar hunto cu 24ora.com a yega un acuerdo unda cu 24ora.com lo ta esun responsabel pa e contenido di Canal 49 di Cable. 24ora.com ta encarga pa provee tur noticia y informacion social of otro informacion di importancia pa e comunidad di Aruba riba e contenido di canal 49 pa SETAR. Awor en adelante e contenido di Canal 49 cu ta e Community Channel di SETAR lo keda update 24ora pa dia.Desde aña pasa discusionnan a cuminsa entre SETAR y 24ora.com pa hunto yega na un formato nobo pa canal 49 y hacie mas dinamico. E canal ta usando tecnologia avansa na unda cu e canal por draai casi 100% automatico y e ta syncroniza cu e website di 24ora constantemente. Den e caso aki e señalnan digital ta usa e technologia di fiberoptic. E contenido di e canal lo duna e televidente e oportunidad di mira e status actual di entre otro e yegada y salida di e diferente aerolineanan di aeropuerto internacional Reina Beatrix. Lo duna un bista riba e tempo actual unda lo tin detaya e temperaturanan minimo/maximo, orario cu solo ta sali y baha den e sigiente 3 dianan. Tambe lo tin e ultimo noticianan di 24ora.com y continuamente tin un news ticker parti abou di e canal cu ta mustra e ultimo titularnan actualisa di 24ora.com. E canal 49 lo tin hopi informacion valioso pa comunidad manera Dokternan na warda, Boticanan na warda, mensahenan di fundacionan caricativo, video di noticianan internacional y local y hopi mas. Por mira tambe riba canal 49 mayoria di e transmisionan cu 24ora.com sa realisa riba su website. Ademas ta informa e cliente riba e diferente servicionan cu Setar Cable Services ta ofrece. Un tiki di 24ora.com 24ora.com ta un website local di noticia cu a wordo lansa na Maart di anja 2007. Den e ultimo 3 anjanan aki e website aki a sa di crece na bira un di e medionan di informacion mas popular na Aruba. Esaki debi na su rapidez den brinda noticia na tur su bishitantenan y e a balor agrega di video y audio. E website ta conta cu mas di 1 miyon pageviews mensualmente di cual gran mayoria ta bishitantenan di Aruba mes. Na anja 2009 e fundador a lansa e website na isla di Curacao bou di 24ora.an . Loke a hasi e website hopi popular tambe ta e transmision en bibo cu ta wordo hasi di entre otro carnaval, eventonan internacional y reunionan di Parlamento di Aruba. E website ta conta cu un team di 10 persona cu nan oficina na Sun Plaza Mall.
|
Mustra/Kita e formulario di comentario
