Friday, 24 October 2014
Vèlt di SUBT (Stadion Antoine Maduro) a haña su yerba artifisial di Edel Grass for di Oropa Print E-mail
Friday, 07 September 2012 14:09
DSC_2063
Promé Minister Demisionario Gerrit Schotte: "Stadion Antoine Maduro ta un di nos monumentonan ku meresé di bolbe ta un pilar importante no solamente pa deporte pero tambe pa e Konsepto Nobo ku Fundashon Barika Hel ta para p’e, esta un Stadion Antoine Maduro komo un sitio importante pa desaroyo di habitantenan den área di Kintjan"

25 di yüni último den presensia di alrededor di 100 persona Promé Minister Gerrit Schotte a na un manera simbóliko inisio na e trabounan di renobashon di Vèlt Antoine Maduro, den boka di pueblo mihó konosí komo vèlt di SUBT.

Un di e eventonan memorabel durante e rekonstrukshon di vèlt di SUBT ta entre otro e ponementu di e yerba artifisial ku ta "FIFA-Certified". Djarason último e kompania Edel Grass di Ulanda start ku e ponementu di e yerba i riba invitashon di direktor di Reda Sosial Sr. Herman George i Presidente di Fundashon Barika Hel, Sr. Arthur Rozendal, Promé Minister Demisionario a bin hasi un bishita na vèlt di SUBT durante e delaster desaroyonan relashoná ku e yerba artifisial.

Promé Minister Schotte ku algun eksperensia riba e tereno di vèltnan di deporte a haña e chèns pa sinti i fula e yerba ku su propio mannan.
Representantenan di Edel Grass a duna Sr. Schotte informashon riba diferente aspekto di e yerba artifisial.

Asina lo bai tin bou di tera pipanan ku lo fungi komo "drain-system" na momentu ku áwaseru kai. E sistema aki lo sòru pa e awa no keda riba e vèlt, pero lo kore baha den un direkshon di un tanki spesial. Esaki ta un di e kriterionan pa vèlt di SUBT kai den e kategoria di "FIFA Certified Fields".

Otro siman e mastnan di lus di City Lights lo yega Kòrsou pa wòrdu instalá riba e vèlt.

Den kuadro di PNB , Gobièrnu ta invertí den infrastruktura sosial deportivo i rekreativo den barionan; Entre otro renobashon di vèlt di deporte. Pa esaki Gobièrnu di Kòrsou a tuma e inisiativa, pa entrante 2 di yüli último bin ku un rekargo di 5 sèn riba kada liter di gasolin Mogas 95 i Low Sulfer Diesel na momentu ku un kliente yena su vehíkulo na kualke pòmp di gasolin. Di e forma aki por finansiá diferente proyekto di renobashon di vèltnan na Kòrsou.

Pronto un soño di hopi hóben lo bira realidat!

dowers dowers dowers
dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter