E organisashon Brahma Kumaris ta organisá djabièrnè dia 21 di sèptèmber 2012 ku ta Dia Internashonal di Pas proklamá pa Nashonnan Uní, un Marcha di Pas pa duna grandi i chikí oportunidat di duna pas un chèns. E tema di Brahma Kumaris Kòrsou pa konmemorá pas e aña aki ta ‘Pas Ta Kuminsá Ku Ami’.

Kanando huntu djabièrnè awor por reflehá komo grupo riba kon kada un di nos komo individuo por kontribuí na pas rondó di nos i den nos relashonnan. Pa Brahma Kumaris ta hopi importante pa nos tur huntu kompartí e vibrashon di amor i pas na Kòrsou i den mundu henter, espesialmente pa esnan ku resientemente tabata den gara di kalamidatnan, disturbionan i guera. Asamblea General di Nashonnan Uní na aña 2001 a adoptá unánimamente e resolushon pa designá dia 21 di sèptèmber di tur aña komo Dia Internashonal di Pas. E asamblea a deklará pa e dia aki keda opservá komo un dia global pa para guera i di no violensia, siendo un invitashon na tur nashon i tur pueblo, pa para tur hostilidat durante di e Dia Internashonal di Pas. E Brahma Kumaris World Spiritual University na Merka ta representá den e Komishon di Organisashonnan No Gubernamental pa Dia Internashonal di Pas.Ophetivonan di e universidat pa Dia Internashonal di Pas ta: - pa inspirá individuonan pa tuma pasonan mas grandi pa pas, seguridat i rèspèt den sosiedat i pa praktiká balornan manera boluntat, toleransha, koperashon, union i responsabilidat. - pa opservá i sostené Dia Internashonal di Pas i Nashonnan Uní su Dékada di Kultura di Pas i No Violensia pa Muchanan na Mundu. - pa enkurashá individuonan pa reflekshoná mas profundo riba aktitutnan positivo, balornan i derechinan humano i importansha di nan kontribushon personal na pas mundial i bienestar.Ta p’esei un invitashon kordial pa tur hende partisipá na e Marcha di Pas komo un evento nashonal pa kontribuí na pas den mundu. E Marcha di Pas ta djabièrnè awor 21 di sèptèmber 2012 saliendo 6’or atardi for di Monumento di Guera na Waaigat pa tèrminá entre 7’or i 7.30 anochi riba plenchi den Fort Amsterdam.Ta pidi pa tur hende bisti un blusa òf tishùrt blanku. Por haña tambe tishùrt espesialmente pa Dia di Pas na Brahma Kumaris Raja Yoga Centrum Kòrsou riba djarason 19 i djaweps 20 di sèptèmber entre 7.30 mainta te ku 7’or anochi pa un suma di sosten di f. 15,-- pa tishùrt.Pa mas informashon por tuma kontakto ku Brahma Kumaris Kòrsou na telefon nr. 869-2706 òf pasa na Kaya Kazèrne 16.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi