Esaki ta bai hasta kontra di e tratadonan internashonal di derecho di mucha.
Hopi pais na mundu a firma e tratado aki, pero no opstante esei nan gobièrnu i nan korte no ta respetá e tratado aki. Artíkulo 9 di e tratado aki por ehèmpel ta bisa ku kada mucha tin derecho di tin un relashon ku su mayornan. Pero hopi pais na mundu inkluso nos Korte aki na Kòrsou no ta hasi lo sufisiente pa e artíkulo aki keda respetá i ehekutá manera mester ta.

Pa esnan ku ta kere ku ta na Kòrsou so tin e bareranan di instanshanan manera nos Korte ku ta traha ku prehuisio kontra di tatanan ku ke rekonosé nan yu i ke tin un relashon ku nan yu, nan ta gravemente ekiboká.

Na Inglatera e gobièrnu a anunsiá plan pa bin ku lei ku ta hasi posibel ku tatanan por tin un relashon sano i duradero ku nan yu(nan) ora e tata ku e mama no ta huntu ku otro mas. Tatanan na Inglatera ya tin hopi aña ta bringa pa nan derecho komo tata sin éksito. E tatanan Ingles no ta nan so den e lucha aki. E ta konta tambe pa tatanan na Merka i na Hulanda pa menshoná algun pais. Komo tal na Merka tin un organisashon hopi grandi yamá “fathers and families” ku ta sali na defensa di e derecho di e tata i e yu. Na Hulanda tin sigur dos organisashon ku ta hasi e tipo di trabou aki, nan ta “dwaze vaders” i “stichting ouders zonder omgang (stozo)”.

UN kos sigur a keda probá na diferente pais na mundu i tambe mi a eksperensh’é personalmente na nos Korte, ta ku e komportashon di algun di nos huesnan ta kontribuí na hasi posibel ku ta tiki tata tin un relashon sano i duradero manera mester ta ku nan yunan.

Basá riba un inhustisia ku mi a eksperenshá nan man di tres hues na 2009 mi a disidí di bai medionan di komunikashon i protestá, pensando ku ta ami so lo tin e eksperensha ei. Mi a keda sorpresá di e kantidat grandi di reakshon ku mi a risibí di prinsipalmente tatanan ku tambe a risibí un trato inhustu na man di algun hues.

E reakshon aki a kondusí mi persona na a lanta e fundashon FEEMI (Fundashon Eksponé E Muraya Invisibel) ku e meta pa trese na kla e abusu i inhustisia ku ta tuma lugá ku lo a kondusí na un trato mas hustu pa tatanan.

Despues a tuma nota ku Korte no ta hasi nada pa trese e kambionan nesesario, pero ku presidente di Korte hasta ta defendé aktonan di inhustisia di parti di algun hues, mi a tuma e desishon di subi un lista polítiko pa asina mi mes drenta den parlamentu kaminda ei lo mi por papia pa tur e tatanan ku no tin bos i pa asina trese e kambionan den Korte ku ta garantisá ku kada tata ku kier asumí un ròl di responsabilidat den bida di su yu por haña un oportunidat hustu pa hasi esaki.

Mi ta agente number 13 riba e lista di e partido Pueblo Soberano i si pueblo skohemi pa represent’é den Parlamentu, mi lucha lo bai ta pa Korte duna tatanan ku ke asumí responsabilidat den bida di nan yunan un trato i oportunidat hustu i di akuerdo ku e tratado internashonal derecho di mucha.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi