| Kòrsou: Rekompensa NAF. 10.000 pa tip den kaso dobel asesinato di Chinesnan na Moontjiweg |
 |
 |
| Wednesday, 19 September 2012 19:54 |
|
Komunidat Chines ta ofrese un rekompensa di NAF. 10.000,- pa esun ku duna informashon konkreto ku ta kondusi na detenshon di esnan responsabel pa e asesinato di e dos personanan di origen Chines djaluna, 17 di sèptèmber ultimo, na Yen Lee Snèk na Moontjeweg. Pa duna informashon mester hasi uso di e numbernan di polis menshona aki bou ku ta duna garantia di anonimidat: 8666 249 of 8666 250 of 108. Riba e dia enkuestion e pareha Chines aki den kompania di un yu menor di edat a yega kas ora nan a wordu sorprendé pa tres atrakadó, den posishon di arma di kandela ku a menasá nan i e sospechosonan a lòs bala promé riba e senjora ku a resulta den su morto i después riba e homber sinta den su auto ku konsekuensia ku e homber tambe a perde su bida. Ministerio Públiko ta hasi un suplika na komunidat pa dado kaso tin informashon balioso, pa duna esaki pa di e forma aki por yega na detenshon i persekushon di esnan responsabel. Comentarionan (3)Mustra/Kita comentarionan ...
NO tin plaka pa paga informacion pa detene e ** nan aki esey ta danja nos x antillas
,
September 19, 2012
...
Si bo conoe e brothernan cu a hasi esaki denuncia nan y gana bo 10.0000 florin limpi y bo consenchi ta limpi
,
September 19, 2012
...
Mientras tantu gobernantenan ta bringa ku otro, criminalidad ta bajendo for di man. Hendenan ku sa algu mester tuma nan responsabilidad i sin ku tin un rekompensa juda pa solushona e kaso aki. Vooral si bo tuma na nota ku e joe di e pareja a mira kon e malechornan sin ningun klase di eskrupulo a likada su majornan.
,
September 20, 2012
Duna Comentario y/of Comparti riba Social Medi |
Mustra/Kita e formulario di comentario
