Djaweps, 20 sèptèmber 2012, alrededor di 11.20’or, Sentral di Polis a dirigí un patruyá na un kompleho di flèt na Gatu pa un persona ku tabata aktua sumamente agresivo, i tabata kibra tur kos rondó di dje. Ademas e persona tabata menasa di kometé suisido i mata kualke persona ku yega den su serkania.

For di un investigashon preliminar ku polis a realisá na e sitio, polis a haña informashon ku ta trata di un hòmber di nashonalidat chines i aparentemente no por dominá e idioma papiamentu. E hòmber aki tabata sera den e flèt i probablemente tabata den posishon di un arma di kandela, machete, martin i tabata grita i menasa tur hende. Polis a trata via di un persona ku ta papia chines pa komuniká ku e persona aki sin ku e hòmber agresivo aki no kier a tende di ningun forma. Despues polis a manda buska un negoshadó polisial , ku tampoko no a logra konvensé e hòmber pa entregá su mes. Na e momentu ei e Tim di Aresto a drenta den akshon. Na momentu ku nan tabata kibrando slòt di hèkwèrk pa drenta e flèt, un zonido paresido na un tiru for di un arma di kandela a zona for di paden di e flèt. Tim di Aresto a drenta paden i a detené e hòmber/sospechoso (ku te na e momentunan aki no por establesé su identidat). Polis a haña i a konfiská un arma di kandela ku tres bala skerpi aden. A transportá e sospechoso pa e risibí tratamentu médiko. Personal di Warda di Polis Mahuma/ Seru Fortuna ta kontinuá ku e investigashon.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi