Friday, 31 October 2014
Minister Earl Balborda ta firma akuerdo cu organisashon mundia di meteorologia Print E-mail
Friday, 22 March 2013 15:12
DSC_2063
Awe mainta, Minister Earl Balborda di Ministerio di Tráfiko, Transporte i Planifikashon Urbano a firma un akuerdo entre e Organisashon Mundial di Meteorologia (WMO) i Reino Hulandes den kual tin stipulá e kuadro pa organisashon di e di 16 seshon di e asosiashon regional RA-IV di WMO.

E seshon aki lo tuma lugá dia 12 pa 19 di aprel benidero i Kòrsou lo fungi komo anfitrion pa mas ku 70 eksperto riba e tereno di Meteorologia.

WMO tin 6 asosiashon regional kual ta repartí den 190 paisnan miembro di e organisashon. Kòrsou ta parti di e Asosiashon Regional RA-IV huntu ku paisnan di Nort Amérika, Karibe, Colombia i Venezuela. Huntu nan ta un total di 24 pais.

E paisnan aki, pues e RA-IV, ta bini huntu kada 4 aña durante un reunion pa kordiná aspektonan di e region kual ta parti di e programa tékniko di WMO. Algun tópiko ku lo bini na vigor ta halsa kalidat di e servisio meteorológiko pa medio di teknologianan nobo, training i koperashon regional. Esakinan tur tin komo meta pa mehorá e servisio ku ta duna na e sektor di aviashon, e sektor marítimo i komunidat en general.

Mayoria di e representantenan di WMO pa e region lo partisipá na e RA-IV aki. E sekretario general di WMO mes lo tei presentá pa habri e reunion. Komo preparashon pa e reunion importante aki, e Komishon di Orkan (Hurricane Committee) ta bini huntu di 8 di aprel pa 12 di aprel 2013.

Minister Balborda, den su afan pa yuda stimulá nos turismo i nos ekonomia, ta sumamente satisfecho ku Kòrsou a logra fungi komo anfitrion pa tipo di enkuentronan asin’aki kual ta di gran balor pa nos Pais. Pueblo di Kòrsou por sigui tur último desaroyonan di e trabounan di Minister Balborda di Tráfiko, Transporte i Planifikashon Urbano via di su página di facebook ‘Minister VVRP’.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter