Tuesday, 22 July 2014
Boto ‘Happy Ours” a alkansá sambuyadó fatalmente na laman na Kas Abou Print E-mail
Sunday, 31 March 2013 17:42

diver below 1

Djadumingu 31 mart 2013 alrededor di 15.15’or, sentral di polis a dirigí un patruya na e bich na Kas Abou kaminda un boto lo mester a alkansá un persona i ku e persona aki no ta duna señal di bida. Na yegada di e patruya polisial na e sitio nan a konstatá ku tabatin un hòmber drumi den santu riba e bich ku un herida hopi serio na su wowo robes i ku bèrdat no tabata duna señal di bida.

Ambulans tambe tabata na e sitio. Un hòmber a aserká e polisnan i a deklará ku ta un boto a alkansá e víktima un ratu promé i ku e boto a sigui nabegá bai despues di e suseso. For di un investigashon preliminar ku polis a realisá na e sitio a resultá ku un grupo chikitu di persona entre kua e víktima i algun otro hóben a bai sambuyá bou di guia di un sambuyadó profeshonal. E grupo a bai den laman i a pone un bui oraño ku tin un forma largu manera ta e kustumber ku ta keda drif na superfisie den laman nèt kaminda nan ta sambuyando pa indiká na boto, seadoo i lo demas ku eibou tin hende ta sambuyando. Segun nan a sigui deklará ta na momentu ku nan a kaba sambuya, i ku nan a kuminsá bai na superfisie, ta na e momento ei nan e mira ariba i a wak e bòm di un boto ku a pasa serka serka di e bui riba nan. E grupo a stòp di bai ariba pero e víktima, e hòmber Jean Jaques Debrôt, nasé na Kòrsou, 3 aprel 1949 ya tabata mas ariba ku nan i e boto ku despues a resultá ku tin e nòmber ‘Happy Ours” a alkansá e víktima violentamente na su kara ku e konsekuensia ya menshoná. E boto a sigui nabegá bai despues di e insidente. E sambuyadó lider a hiba e víktima kantu.

Alrededor di 16.12’or, dòkter a konstatá morto di J.J. Debrot. Mas lat un unidat di Warda Kosta a bai buska i bin señalá e boto pa despues trese tantu e boto komo e kapitan, e hòmber I.G.H., nasé na Kòrsou 32 aña di edat i seis(6) otro pasahero kantu. Reshershi ta tumando deklarashon di tantu e kapitan komo e pasaheronan na warda. Riba òrdu di Fiskal di Ministerio Públiko, polis a konfiská e kurpa sin bida di e víktima i e boto pa mas investigashon. Departamentu di Reshèrshi ta kontinuá ku e investigashon aki.

Comentarionan (5)Add Comment
y..w...
April 01, 2013
201.229.37.226
Votes: +1
...

@ Bin bij mi ta dunabo tur bo razon, Mi mes ta un hoben Arubiano studiando na Corsow y mi ta hanja un falta di respet kon hende ta papia asina di otro lugar. Pa di prome lugra Corsow ta dunando mi e chens pa un miho futuro... Next time @ pica piedra pensa ku bo cabes prome bo skirbi koi loco...

pica piedra
April 01, 2013
190.104.102.104
Votes: +1
...

Sorry pe e comentario ey. Mi emoshion a bay malto ey nan di tanto rabia. Sorry si mi a offende algun persona. Esey no tawata mi intention. Mi disc*lpa na e persona ey. Saludos y mi ta spera cu e mgs aki nan a cai den bon tera serca boso nan.

Bin bij !!!!!!
April 01, 2013
201.229.70.200
Votes: +2
...

24Ora, lo ta bon si pa boso cuminsa screen e comentarionan cu algun "hende" ta scirbi pasobra si un curasolenyo ofende un di nos mi ta sigur cu e lo no wordu publica, dus ban ta mas professional,y publica cosnan drechi....

@ Ban ta Serio
April 01, 2013
98.211.165.68
Votes: +1
...

Wak e categoria e ta bou di Corsow @Ban Serio

ban serio
April 01, 2013
201.229.26.77
Votes: +4
...

Por fabor pone noticia di Corsow den e parti di noticianan di corsow NO bruje cu esunnan di Aruba, e ta confundi hendenan..

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter