Wednesday, 22 October 2014
Minister Timmermans di bishita na Kòrsou Print E-mail
Sunday, 09 June 2013 09:30
IMG 8659

Resientemente Minister di Asuntunan Eksterior, sr. Timmermans a sera konosí ku miembronan di e komishon di Asuntunan di Reino i Relashonnan Interparlamentario den Parlamento di Kòrsou. Miembronan aktual di e komishon ta sr. Wilsoe, sr. Rosaria, sr. Davelaar, sr. Sulvaran, sr. Thode, sra. Jesus-Leito i sr. Koeiman.

Durante e reunion aki a interkambiá di pensamentu enkuanto e posishonamentu di Kòrsou den maneho di relashonnan eksterior di Reino.

E globalisashon di ekonomia ta hasi posibel pa Kòrsou desaroyá bienestar pa e ekonomia di Kòrsou basta ku Kòrsou hasi bon uso di e oportunidatnan ku tin.

Aktualmente hopi bes e Embahadanan di Reino ta sirbi interesnan di Hulanda i poko bes interesnan di por ehèmpel Kòrsou. Esaki por kambia solamente si traha riba desaroyo di konosementu. Por ehèmpel konosementu di Kòrsou na e Embahadanan, Konsuladonan, Representantenan Permanente etc. Nos mes hendenan tambe mester haña e konosementu di e merkadonan i temanan importante i oportunidat di entrenamentu meskos ku paisnan den desaroyo tin. Mester tin lugá pa representantenan di Kòrsou na konferenshanan di embahadornan.

Banda di esaki e representantenan di Kòrsou mester bai funshoná di manera ku nan por bosifera e interesnan propio di Kòrsou.

Mester krea e kondishonnan nesesario pa Kòrsou por traha mas lihé i efektivo riba ampliashon di su ''netwerk'' di tratadonan riba entre otro tereno di impuesto, duana, tráfiko aéreo i protekshon di invershon.

E puntonan aki i mas ta loke e delegashon di Parlamento di Kòrsou a presentá na e Konferensha Interparlamentario di Reino (IPKO) tene na Den Haag den mart di 2013 den e dokumento "Op zoek naar een nieuw en meer eigen buitenlands handelsbeleid".

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter