Wednesday, 22 May 2013
Celebracion na Aruba Bank cu Yolanda Print E-mail
Tuesday, 10 July 2007 20:55

angela front.jpg
No ta tur dia un trahador ta cumpli 35 aña trahando pa e mesun compania. Ta pesey Aruba Bank no a laga e fecha memorable aki pasa sin mas tampoco. Entre e directornan di e banco y coleganan di Yolanda a recorda e hecho cu no menos di 35 aña pasa, Sra. Yolanda Angela a drenta servicio di Aruba Bank.

angela.jpgSu carera den e banco tabata uno impresionante y na aña 1992 ela cuminsa traha den Transfer Department y tabata man drechi di e Manager di Transfer Department. Despues Yolanda a bai traha den Accounting Department como Hefe di Reconciliation. Na aña 1996 ela keda promovi como Hefe di Audit Department mientras cu despues ela pasa pa Assistant Branch Manager na Aruba Bank Noord Branch. Na aña 1998 Yolanda a bira  Assistant Branch Manager na Aruba Bank San Nicolas Branch y na aña 2003 a promove atrobe den e posicion di Assistant Manager Consumer Banking Operations y despues Assistant Operations Manager. Asina tambe tempo a sigui pasa te cu awendia Sra. Yolanda Angela ta den e posicion di Sr. Rick Officer in the Retail Lending and Control & Sr. Mortgage Officer. Sra. Yolanda Angela ta un hende masha jolly y e ta pone tur hende hari. Yolanda gusta tenta hende y Bo ta pasa bon cune. E ta loyal y dedica, e ta un persona masha franco y sincero. Un di e trabounan cu mas e ta gusta haci ta reconciliation. Ora cu tin verschil e mes tabata “zoeknan uit” pa otro departamento. Su coleganan tabata yame un “Human Schreder”, cu su liniaal e tabata “shred” e documentonan cu mester a tira afo. Den su tempo liber e ta traha bolo (bolo preto) y como tal no tin un bolo preto mas dushi cu esun di dje. E ta gusta come cos dushi. Tambe e ta gusta balia, trip y biaha. Un di e caracteristicanan mas bunita di Yolanda ta cu e tin un curason di oro. E ta cla pa yuda cualkier persona den necesidad. Durante un ceremonia cortico pero masha special, su coleganan tur a yame DANKI pa e 35 añanan di dedicacion na Aruba Bank. “Bo contribucion a hasi di Aruba Bank loke cu e ta awendia esta e Banco di mas grandi di Aruba”. 

Comentarionan (1)


Mustra/Kita comentarionan
...
Un dushi senora e Jolanda aki ta, cla pa zundra hende tur ora na trabow (ha ha ha) Di bo ex colega di fileroom L.T.
Gordo , July 11, 2007

Duna Comentario y/of Comparti riba Social Medi

feedMustra/Kita e formulario di comentario
smaller | bigger

busy
 

Connect with Us

Newsletter