Diasabra ultimo, dia 12 di Juni, dr. Edward Cheung a wordo ricibi pa Su Excelencia Gobernador di Aruba, sr. F.J. Refunjol, Minister presidente, mr. M.G. Eman, miembronan di gabinete Mike Eman I, famia y otro invitadonan na su condecoracion real.

Debi cu dr. Cheung ta traha y biba na Merca, p’e tabata dificil pa e por a participa den e ceremonia cu a tuma lugar dia 29 di April akin a Aruba.

Su Mahestad La Reina a nombre como miembro di Orden di e Leon Hulandes, “Lid in de Orde van de Nederlandse Leeuw”.

Dr. Cheung, kende a nace na Aruba, for di 1991 ta trahando na NASA Goddard Space Flight Center na Merca.

Prome el’a traha na “Robotics Laboratory” y momentaneamente na e proyecto di e Telescopio di Hubble. El’a contribui grandemente na e mantencion di e Telescopio Hubble.

Di e manera ey, e hunto cu su team a traha un relais doos, caminda cu den un paar di siman por drecha e sistema di enfriamento di Hubble, na lugar di den algun luna.

E relaisdoos a wordo yama Aruba, na honor di su pais di nacimento.