Thursday, 17 May 2012
Gobierno: KLM ta amplia su vuelonan di Inglatera pa Aruba di dos pa cinco pa siman Print E-mail
Sunday, 09 October 2011 15:32
20111009_minaz_klm_03
Otro noticia alentador a yega Aruba. KLM ta expande su vuelonan for di Inglatera pa Aruba di dos pa cinco pa siman. E servicio aki ta drenta na vigor ya for di 30 di October caba y ta pa henter aña.

E pasaheronan di Inglatera cu kier bin Aruba via Amsterdam por haci esaki for di 15 aeropuerto den Inglatera, incluyendo Londen, Birmingham, Manchester y Glasgow. E vuelonan ta sali for di Amsterdam riba diamars, diaranzon, diahuebs, diabierna y diadomingo pa 12.45 di merdia y lo yega Aruba riba e mesun dia diez pa seis di atardi. E vuelonan di regreso ta riba e mesun dianan saliendo di Aruba 19.10 pa yega Amsterdam su dia siguiente pa 11.10’or di mainta cu bastante tempo di coneccion pa Inglatera. E servicio nobo di KLM aki ta ofrece e opcion pa biaha business class riba e vuelonan pa y di Aruba, cumpliendo asina cu e demanda di su clientela. Awe Aruba ta piki e frutonan di e bon relacion cu nos tin cu KLM.

Tur hende ta corda e dia tristo cu KLM a anuncia di lo stop di bula pa Aruba, despues di a haci esaki pa mas di 70 aña y con Gabinete Mike Eman a percura pa su regreso, un dia di alegria. Na 2008 durante gobernacion anterior KLM a dicidi di para tur su vuelonan pa Aruba riba 29 di maart 2009. Asina cu Gabinete Mike Eman a sinta a cuminsa cu deliberacionnan cu KLM pa trata na convence e compania prestigioso aki pa tin Aruba bek como su destinacion. Gobierno a logra y e parha blou elegante a baha bek na Aruba na februari 2010. Esaki danki na e inmenso esfuersonan y e forma decente di actua di e actual gobierno di Aruba. Un logro titanico den apenas tres luna di gobernacion. Tabata reina un ambiente di positivismo y alegría riba Aruba cu regreso di KLM.

Den un entrevista e tempo ey cu e corant Hulandes “Het Financieel Dagblad” Mike Eman a splica kico e regreso di KLM ta nifica pa Aruba “E regreso di KLM pa Aruba ta para simbolo pa e progreso cu nos kier trece y tambe pa un relacion fuerte y miho cu Hulanda”. Na Schiphol Minister di Transporte Camiel Eurlings na 2010 a expresa palabranan di elogio den direccion di Prome Minister Eman. Mescos tambe CEO di KLM sr.Peter Hartman. Eurlings “Mike, abo cu bo team a laga un biento completamente fresco supla. Si mi mira con bo ta traha aki y ora bo ta bisa cu nos ta partner, nos ta igual, nos ta amigo y cu hunto nos mester traha den Reino y bo ta puntra con nos por yuda otro, esaki a duna un señal cu a cay den tera masha fructifero.

Mi ta ripara esaki cerca nos gobierno y na tur otro caminda cu mi bay cu e ta un alivio con positivo bo ta para pa loke ta e cooperacion den Reino. Bo mes a bin aki pa lobby pa KLM regresa Aruba y bo a logra”. Na su turno Hartman a bisa: “Nos ta orguyoso cu KLM ta bek, nos ta mire como un situacion win-win.” KLM ta bek aki y awor ta amplia su vuelonan for di Inglatera. Un tremendo noticia.
gallery1 gallery1 gallery1

Comentarionan (5)Add Comment
min/maxMustra/Kita comentarionan
...
Scirbi pa amarig, October 09, 2011
Ban bula cu Arkefly.............e ta maaaaaaaaaaaaaaaas barata
...
Scirbi pa salvatore del pietro, October 09, 2011
Tremendo noticia, pero mi ta spera cu esaki ta motibo pa e smokescreen cu American Airlines ta bahando su vuelonan for di Merca.
...
Scirbi pa yessir, October 10, 2011
No tin niun manera pa logra pa nan por baha nan prijsnan apnormalmente caro cu nan tin?? Nos studiante no por afford bai vakantie zomaar mas!!! Un di e laagste prijs nan pa bai Aruba december aworaki ya caba ta riba 1200euro!!! smilies/sad.gif
...
Scirbi pa V.Tromp, October 10, 2011
Pakiko ta KLM ta hanja e oportunidad pa bula foi di Inglatera pa Aruba.
Laga un compania di Inglatera mes bula pa Aruba KLM ta mucho caro pa Aruba smilies/angry.gif
...
Scirbi pa N'e Chamboncitonan, October 10, 2011
Nada nobo, NIUN logro. Dos anja pasa KLM a bisa cu ora Martin Air ta stop cu vuelonan di pasahero na oktober 2011, nan lo reemplaza esakinan cu mas vuelo pa e compania 'madre', esta KLM. E viesedadnan berde kier tuma Pueblo haci atrobe, alegando cu min egotripper ....... di turismo a percura p'e. Keep on dreaming, keep on believing your own lies,

Duna Comentario
feedMustra/Kita e formulario di comentario

busy
 

Connect with Us

Newsletter