| Minister Mike de Meza: Tin cu haci un bon evaluacion riba e proyecto di parke di molina na Urirama, respetando tur hende su opinion |
 |
 |
| Thursday, 17 May 2012 19:45 |
|
Ta asina cu ora cu gabinete Mike Eman a drenta gobernacion na 2009, a bin cu un plan di maneho di energia, cu a campaña cun’e tambe y ta den e plan Total di gobernacion. Den esaki a duna opdracht como parti di e plan di maneho cu lo bay den direccion di energia alternativa y ta hopi importante pasobra a bin ta mira durante ultimo por ehempel 10 añanan, kico a pasa riba mercado internacional pa cu e recurso petroleo, cual na Aruba ta uza 100% pa genera energia, a aumenta for di añanan 1999/2000. Pa awor aki mas di 700% a bira mas caro. Pueblo en general tur ta sufri bao di e gasto grandi aki costo di utilidad. No ta na Aruba so. Mundo total ta gara den esaki. Ta retonan grandi. Un direccion cu a scoge pa bay aden ta energia alternativa, pasobra esaki ta bay haci e futuro mas sostenibel. E ta miho pa medio ambiente y por contra aresta e fluctuacionnan grandi cu tin riba mercado internacional. Un di e recursonan di energia alternativa ta e forsa di biento cu tin na Aruba cu ta predominante di noord oost passaat, cu tin un contenido hopi grandi cu ta un biento cu ta supla constant. Ta haci uzo di esaki. Den añanan anterior a pone e prome parke aki den operacion na Vader Piet, cu ta un area sumamente bunita tambe. Mes bunita cu tur e paisahenan rond Aruba. E tabata un di e prome localidadnan cu a tuma consideracion cun’e y tin cu bisa cu tin casnan relativamente cerca tambe. Si por pone un di dos parke na Vader Piet y si no por pone eynan, cuaL ta e otro localidadnan na Aruba cu por pone, tumando na consideracion cu lo ta e lugar posibel. A haci un estudio riba esaki y a sali cu den e area di Urirama pa diferente rason y a laga haci un evaluacion tecnico, evaluacion economico financiero riba esaki pa e halbaarheid y tambe compara cu si pone na Vader Piet, Minister de Meza a expresa. E resultadonan di e diferente investigacionnan aki a duna cu e ta casi imposibel pa bay haci un expansion na Vader Piet door di e area cu tin eynan, e disturbio cu ta bay haya ey y e gastonan cu ta encera pa bay haci e proyecto aki. E extra gastonan cu tin cu haci tambe pasobra no por core e liña for di Vader Piet mas na San Nicolas. Mester bay core te na Balashi y ta inversionnan grandi y na momento cu haya un caida di biento, e efecto lo ta hopi dramatico. A haci un estudio cu si split esaki den dos parke caminda lo tin uno na Vader Piet y uno na Urirama, lo bay tin un windvlag uitval di 15 minuut door di e patronnan cu tin cu ta duna e flexibilidad e ora ey pa haci un correccion ora ta necesario por ehempel den operacion na WEB. Esaki ta encera tambe menos inversion den bateria y otro sistemanan pasobra e ora tin e flexibilidad ey. Con cu bire tin cu carga basta inversionnan cu tin cu tuma lugar. Tambe den esaki pa e zogenaamd e spannings belastings cu tin riba e grid na Aruba, e ta mustra cu si pone na Urirama, e ta duna mucho mas flexibilidad y ta haya un mucho mas miho verdeling di e electricidad riba e grid. E ta hacie mucho mas posibel. Esaki tambe a wordo tuma na consideracion. Na mesun momento a bisa tumando na cuenta cu preocupacionnan di habitantenan y hasta prome cu esey, kier tin un MER riba esaki tambe. Ta haciendo esaki y e intencion ta pa papia cu e vecindario, laga WEB duna presentacion, laga tur papia. Gobierno ta hopi habri di esaki. Na fin di dia, locual Aruba mester haci pa tin un plan total, un sistema cu lo por bay garantisa sostenibilidad pa cu e bida socio economico cu nos tin na Aruba riba e mercado di energia. |
Mustra/Kita e formulario di comentario
