Pa algun tempo caba tin debatenan andando entre doñonan di trabao di contratista, riba tereno di construccion, y e sindicato. Ainda e partidonan ta leu for di otro, y mirando e distancia aki a pone cu Mediador mes ta bay presenta un proposicion.

Tin dos punto crucial cu ta tranca e negociacion: sindicatonan ta propone un aumento general di salario cu locual e dunadornan di trabao no ta di acuerdo pero nan kier cambia e condicionnan di trabao cu ta existente caba den e contrato colectivo. Den un entrevista cu mediador di gobierno Anselmo Pontilius, el a splica cu siman pasa e hunto cu e partidonan a reuni y tambe diaranzon di e siman aki, pero nan ta sigui leu for di otro. Como mediador, Pontilius a percura diahuebs pa traha riba un proposicion cu por ta un posible solucion, algo cu no ta usual pero no ta imposible debi cu ta permisible pa ley y e ta spera cu e partidonan por bay di acuerdo. Pa ley mediador di gobierno no por impone un proposicion pero si por purba convence e partnernan envolvi pa finalmente por logra un areglo. Tin menaza di accion riba mesa y di hecho algun siman pasa y siman cu a pasa mes tabata tin pari di labor pa un dia y mey di trabao. Mediador a pidi ambos partner pa sinta na mesa calma e situacion y diabierna awor e tin planea un reunion cu e partidonan pa wak si por haya e salida. Locual e doñonan di trabao ta ofrece ta 70 cen pa ora di aumento pero e sindicato tin un otro suma riba mesa. El a splica cu e argumento cu gobierno no ta paga na tempo no por stroba e negociacion y menos cu e doñonan di trabao a admiti cu tin suficiente trabao y proyectonan cu ta andando. Desde 2009 e trahadornan den construccion no ta haya aumento y e tempo ey mes nan a extende nan condicionnan di trabao. Na 2011 mester a negocia back un CAO pero esey no a tuma lugar loke a conduci na e referendum di November 2011, y for di e momento ey e partnernan no por haya otro. Un di e condicionnan di trabao cu e doñonan di trabao aki kier cambia ta e pago di 200% pa trabaonan riba diasabra. Otronan cu no tin CAO ta paga 150% cu ta haci nan oferta mas barata y nan ta haya mas trabao. E 200% aki ta debi cu esey ta mara riba e contrato colectivo. Riba tur esaki e discusionnan riba mesa ta masha fuerte, Mediador a bisa.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi