| Dia di Piscado na caminda cu tema: di buelta na nos raisnan |
 |
 |
| Friday, 15 June 2012 12:01 | |||||||||
 Falta solamente algun siman pa Dia di Piscado y Centro di Pesca Hadicurari, conhuntamente cu Santa Rosa (LVV) y Stichting Rancho, ta den pleno preparacion pa celebra e grandioso dia di piscado e biaha aki. Tur aña, dia di San Pedro cual ta 29 di juni, rond Caribe piscadonan ta rindi tributo na e santo patrono di piscado. Centro di Pesca Hadicurari tur aña, manera ta e tradicion desde 94, ta celebra esaki cu un tremendo competencia di pesca hunto cu un dia di famia na nan centro.
E aňa aki Dia di Piscado ta sigui yen di inovacion. Despues di a introduci un aspecto educativo adicional na e celebracion internacional aña pasa door di expone nombernan di pisca na papiamento specialmente pa nos hobennan di scol, e biaha aki lo tene e celebracion na Schoenerhaven combina cu Mercado Santa Rosa. Fundacion Centro di Pesca Hadicurari, Santa Rosa y Stichting Rancho a uni forsa e biaha aki cu e tema: di buerta na nos raisnan, poniendo enfasis riba e ofishi di piscamento riba Rancho, un puerto conoci pa su rais den piscamento. Diadomingo 1 di juli 2012, dilanti di mercado di fruta y bayendo te dilanti Mar Azul, lo tin e mercado Santa Rosa for di 9’or di mainta cu mas cu 30 tent cu tur sorto di producto y cuminda crioyo, bar bon surti, torneo di pesca cu premio atractivo, pisca fresco na benta y tambe un banda musical pa deleita publico. Di awor caba ta invita piscadonan pa e reunion di capitan na cual por inscribi pa e torneo y cual lo tuma lugar 29 di juni na Centro di Pesca Hadicurari. Riba diadomingo 1 di juli benidero lo tene e celebracion unico aki combina cu e tremendo Mercado Santa Rosa. Ademas di un torneo di pesca cu hopi premio atractivo, lo tin un festival di cuminda crioyo cu varios stand di cuminda na prijs di famia. Keri keri, pisca hasa, aw’i playa, seafood mix y mucho mas. Mas cu claro e ambiente tipico di piscado, cu su musica tipico y banda musical, lo deleita un y tur henter dia. Lo tin homenahe na baluartenan di mundo di piscamento conforme e tradicion di Hadicurari y varios sorpresa mas incluso un skina cu dino jump pa nos muchanan.
|
Mustra/Kita e formulario di comentario
Cristiano di e fielnan pisacado. Pero parce cu aki serca nos ta fiesta y mas fiesta so ta conta y no un bendicion di nos piscadornan y un refleccion riba e trabou duro y tin biaha peligroso di nan. Por tene e ceremonia religioso na Hadicurari mes y asina aki duna realse real na celebracion di e fiesta folkoriko aki. Mi tin sigur cu San Pedro lo aprecia masha mes e atencion cu e mester hanja e dia aki y ta duna consistencia di nos fe den un Creador cu ta vigila y protega nos piscadornan.