| Sindicato di Maestro di Aruba cu reunion general riba peticion di miembronan preocupa |
 |
 |
| Friday, 15 June 2012 12:58 |
 Directiva di SIMAR segun articulo 14. inciso 2b di su statutonan, ta haci un yamada na su miembronan pa asisti na un reunion general riba peticion di 31 miembro preocupa.
E unico punto di agenda cu miembronan a pidi pa trata ta: “Anulacion di sr. David Croes como president y miembro di e directiva nobo di SIMAR”. Mirando e delicades di e punto y e preocupacion bou di miembrecia di SIMAR, directiva ta urgi su miembronan pa ta presente na e reunion aki cual lo tuma lugar DIAHUEBS 28 di juni 2012 den sala Bruce Crispin na cede di SIMAR na Sabana Blanco. Ta recorda miembronan, specialmente esnan preocupa cu a haci e peticion, cu mester tin minimo 70 miembro presente pa tin quorum. Si esaki no ta e caso, e reunion lo wordo yama te cu un otro aviso, cual lo ta te despues di vakantie grandi.
|
Mustra/Kita e formulario di comentario
