|
Mr. Benvinda de Sousa: Tin paz laboral den Lotto |
 |
 |
|
Friday, 15 June 2012 13:44 |
|
Den entrevista cu mr. Benvinda de Sousa di Lotto a puntra con ta bayendo cu e situacion di Lotto pa Deporte. Tur trahado cu excepcion di tres a keda sin firma. Te cu asina leu tin paz laboral.
Esnan cu no a firma lo pidi ontbinding. Proceso ta canando caba. Un di e tres trahadornan cu no a firma a haya chens prome cu el a biaha. Door cu e no a probecha lo dun’e ontbinding… FFD no ta dispuesto pa duna un di cuater oportunidad, segun mr. De Sousa. Tin paz laboral na Lotto despues cu e firma. Despues cu a delibera cu FFD, directiva di Lotto y FFD, a dicidi di duna un di tres ultimo chens na e trahadonan, pasobra no tabata prome biaha cu a duna un prome ultimo chens. Te cu na e momentonan ey e trahadonan a nenga di firma e contractonan di trabao pa bay over. FFD ta tratando e empleadonan cu mes igualdad cu nan tabata t'ey prome cu nan a drenta FFD bandonando FLPD….
Despues di tur e turbulencianan FFD ta tratando e trahadonan cu e mesun igualdad cu nan tabata wordo trata. Te hasta nan a haya un tipo di compensacion siman pasa via CBN di Canada, cu ta ocupa cu e operacionnan di Fundacion Lotto pa Deporte. Esaki ta pa e lunanan di januari te cu mei. Mescos Fundacion Lotto pa deporte tambe a duna e empleadonan un compensacion relaciona cu e switch. FFD tambe a tene consideracion dunando e trahadornan cu extra 140 florin. FFD como tal, maske cu no tin ningun obligacion pa duna e extra aki pa un solo biaha so, manera cu CBN kier haci'e, pa e trahadornan cu a bay over, toch, como un consideracion pa e trahadonan, a dicidi di dunanan mescos te cu December. Pues tur luna e trahadornan ta haya 140 extra riba nan salario. No ta intencion di perhudica ningun hende cu e cambio. Semper a bisa cu e trahadornan lo wordo trata igual. Esaki ta un prueba cu e voznan eyfo tabata haci lo contrario.
 |
Mustra/Kita e formulario di comentario
