Nos grandinan ta birando mas grandi, cual ta algo di aplaudi y nos grandinan kier keda nan cas. Nan ta prefera di keda nan cas pasobra den nan cas nan ta cu nan famianan, pa e cuido. Ta pa e motibo ey Wit Gele Kruis ta boga pa nan keda cas cu nan famianan caminda cu semper nan ta sinti e calor di hogar. Esey tambe Wit Gele Kruis ta boga pe pa haya mas personal pa por cuida mas di nos grandinan, den nan mesun hogar hunto cu nan famianan. No tin nada mas bunita cu esey. Sr. Goeloe ta sigui bisa cu sigur cu tin casonan di clientenan cu no por keda den nan cas. Aki a pensa riba e pashentnan di Alzheimer, cu ta yega na un momento cu nan kier huy for di cas y ta bira un problema grandi pa e famianan, pero asina mes ta yuda nan cu Alpha Hulp. Nan ta bay cas y ta duna cuido, den e caso aki no profesional. Cuido di un sorto di oppas pa mira cu e grandi no huy for di cas. Si tin algo straño ta pasa, nan por yama semper e enfermera di Wit Gele Kruis, cu tin contacto directo cu e dokter di cas, unda cu nan por traha nan citanan pa asina aki e grandi por wordo bon cuida riba un calidad halto. Si un persona bira malo, den un di e casnan priva aki, no tin cuido profesional, e ta remarca. E persona aki haya un ataca di curason, e no por wordo yuda adecuado. Si el’a hay'e na SABA, tin profesional ta cana rond y por dun’e e asistencia cu mester ta. Na e casnan priva no tin e cuido aki. Si un persona tuma un pildo y a haya un efecto secundario, tampoco nan no por señala problemanan. Nan no por anticipa problemanan, anto esey ta e cos cu Wit Gele Kruis ta bisa cu no por. Pasobra cuido ta algo profesional, ta algo cu ta wordo siña pe.

Pa 4 aña largo ta sigui un opleiding. E casnan priva no tin e cuido profesional aki, siendo cu Wit Gele Kruis y SABA sigur bo ta hay e cuido aki. P’esey ta para pa e cuido profesional, na e casnan di anciano priva. Si por mira bon tin un demanda y falta di personal den casnan di anciano. Hopi di e hobennan cu ta studia pa enfermeria, ora cu nan caba cu nan opleiding, tin di nan ta bay Hulanda pa sigui studia pa un HBO opleiding. Esey no por wordo kita di ningun hende pa sigui studia, pero ta keda un demanda na Aruba. Wit Gele Kruis ta bezig, hunto cu EPI y Hospital, y otro instancianan cu ta traha cu enfermera pa mira con por tackle e problema aki. Awor aki cu tur partners riba e tereno aki, ta trahando hunto y pa wak con por toch tene e hobennan aki na Aruba door di bin cu un opleiding riba nivel di HBO. Eigenlijk hopi di e muchanan kier bay Hulanda pa sigui studia den HBO. Si universidad di Aruba por duna esey, por tin nan na Aruba mes. E ora ta haci un combinacion den trabao y estudio, locual cu tin di nan ta haciendo caba. Ta bira tempo pa na Aruba cuminsa pensa pa bin cu un HBO opleiding den enfermeria na Aruba pensando riba Universidad. Asina aki por tene no muchanan aki na Aruba. No mester bay Hulanda ni Corsou mas pa studia.

Ta bin aki tambe e bienestar general pa cuido, pasobra e ora nan por traha na Wit Gele Kruis of na Hospital of na SABA of tambe na departamentonan di Gobierno of den Ambulance, tur caminda cu den e caso aki enfermeranan ta traha. Ta pa e motibo aki, sr. Goeloe ta contento cu e comision cu tambe ta deliberando y ta basta leu. Tin basta cos riba papel caba conhuntamente cu Departamento di Salubridad Publico. Pronto lo bay bin un rueda di prensa, unda e comision aki ta para y unda lo bay cu enfermeria na Aruba, sr. Goeloe a termina bisando.

Comentarionan (2)

Mustra/Kita comentarionan

...

Tanten cu boso no por juda nos grandinan manera esnan cu ta bati na boso porta, pero no tin lugar pa nan, e casnan priva lo sigi florece. Y majoria di nan ta un alivio pa e familiarnan y tambe pa e grandi mes. Duna nan un man, na lugar di kritika nan so. Yuda nan, ofreciendo un curso minimal di cuido como e.o. bejaardenverzorgster cu no ta di un hbo niveau. No ta un of otro diploma ta haci un persona adecuado pa juda un grandi, pero e amor cu e tin pa nan. Y tin yen di trahador den e casnan partic*lar cu tin esaki pa nos grandinan. Cumpli cu e demanda y stop di kritika so. Duna un man na nan, ta e bienestar general nos tur mester tin na pecho y no e orgullo di nos organisacion.

Chandrikapersad , June 15, 2012

• 
• +6
• 
• 

...

Mr. Goeloe, ta cua dia mi a mira bo pasa den e casnan priva aki pa bo por papia cu NO tin verpleegkundige nan na e casnan priva aki? Bo ta asina ignorante of sabi? di mas cu bo no sa mes cu den e casnan aki tin 1 cu su personal ta bon diploma di verpleegkundigen te helpenden diploma na EPI Aruba? dikon bo no sa esey? Pasobra cu tur e experiencia cu bo tin ey niun dia bo a dune bo mes como vrijwilliger pa juda e hende grandi nan aki cu tanto bo ta stima! Loke bo ta gusta ta pa hende kere cu bo ta gran cos, pero kiko abo mes a hasi out of bo opleiding pa juda gobierno cu e problema aki? Kiko ta bo innovation den e ramo aki? Subi field pa bo sa y despues bo por papia. Mi tin gana di weita kiko abo por hasi si un hende haja ataka bo dilanti! Busca manera pa juda esnan cu no ta diploma pa nan por hasi e trabou miho y stop di critica cu di e manera ey bo no ta juda niun hende. E 4 anja di opleiding cu bo a haja ey no a sinja bo hasi loke bo ta haciendo. FOEI!!!!!!!!!!!!!!!!!

E Scorpion , June 15, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi