| Gobierno: Otro siman ta cuminsa instala rails pa e streetcar |
 |
 |
| Friday, 15 June 2012 16:50 | ||||||
 Renobacion di centro di ciudad ta drentando un fase masha importante otro siman, na momento cu cuminsa cu instalacion di railsnan di e streetcar cu ta parti di e renobacion. Renobacion di centro di ciudad ta un di e mas di 80 proyecto di infrastructura cu tin andando rond Aruba. Den e caso specifico di centro di ciudad, por bisa cu tur cos ta canando segun schema. Den un entrevista cu ing. Jossy Kock di DOW a bin dilanti cu mas cu 80% di e trabou relaciona cu e renobacion di centro di ciudad ta cla. Den e caso di fundeshi pa e ruta di streetcar, ta asina cu ta trahando awor aki riba e parti patras di unda antes tabata Nicky Habibe cu mester ta cla den tres siman di tempo pa di otro banda no trece retraso den instalacion di e railsnan. E compania cu a haya e proyecto, MNO Vervat, ta trahando simultaneamente na diferente parti. Por ehempel den Havenstraat nan a keda cla den tempo cortico ya cu nan no a confronta mucho problema cu cabelnan di e compania di utilidad. Tambe tin un ploeg trahando aworaki den e area unda antes tabata cede di DOW, caminda, segun e programa di trabou, ta bashando 40 meter di fundeshi di e caminda pa e streetcar. Despues di e puntonan aki falta ainda e parti pabou di La Linda, pues den Schelpstraat, unda e streetcar ta bay core tambe. Ing. Jossy Kock a splica cu e contratista y su expertonan ta bay arma e railsnan pa despues pone nan riba e fundeshi, hincando ankers y schroef nan den e beton. Despues di e parti aki ainda mester basha un beton lagando un espacio chikito solamente pa sea pone piedra natural of klinkers. Di e manera aki e peaton por crusa di un banda pa otro sin problema. Pa e proyecto ta uza railsnan di 12 meter y ta trata di instala 80 meter pa dia cu ta nifica cu den maximalmente tres siman ta keda cla cu henter e trabou aki den caya grandi. Inmediatamente despues ta basha beton pa proteha e railsnan. Tur esaki ta sosode tras di otro pa por avansa mas rapido. Esaki ta nifica, segun ing. Jossy Kock, cu pa final di september of cuminsamento di october e parti di infrastructura di centro di ciudad y ruta di e streetcar ta cla. Na final di e parti aki ta cuminsa cu e parti di embeyecemento cu ta encera planta mata, instala un fontein etc.E tres streetcarnan ta core di 8’or di mainta pa 8’or di anochi. Despues di e orario ey, parti di e caminda ta wordo habri pa trafico di motor. DOW ta masha positivo cu henter e proyecto aki ta cla prome cu fin di aña pa e wordo inaugura. Tin un parti, entre otro di un di e streetcarnan y un parti di e capa ta caba na februari 2013. Renobacion di Centro di Oranjestad ta parti di e plan integral BoAruba di Gabinete Mike Eman.
Comentarionan (7)Mustra/Kita comentarionan ...
CADA POTRET di e proyecto di TRAM, lo trece den MEMORIA con un GOBIERNO POR MALGASTA MIYONES di PUEBLO pa GENERACIONAN cu lo bini! Igualmente cu cada bez cu PUEBLO bai den HISTORIA di AVP, PUEBLO ta worde confronta cu e CADENA DI SCLABITUD di AVP, di e 12-8, di e familia di Prome Minister Eman, cu a hinca ARUBA aden. 'Parce cu TUR EMAN cu ta yega na maneha nos pais, kier bai den HISTORIA di ARUBA pa un of mas BARBARIDAD contra di e mesun PUEBLO cu a duna nan, nan CONFIANZA. Sin conta mes di e BAGAMUNDERIANAN DI INTERBANK, di otro Ruman di Prome Minister Eman...
,
June 16, 2012
...
E rails nan aki parce tin anjas warda den magazijn. Porfin nan a hanja un minister l**o di awa pa cumpra nan cu placa di pueblo.
,
June 16, 2012
...
Kiko e ta anto realmente ?
1. Tram 2. Trein 3. Awor a bira "street car" (auto ariba rails ?)
,
June 16, 2012
...
E cos aki lo keda increibel bonita,mita curioso kiko nan ta bai bin cune pa e otro periodo di Gobiernacion, ami no por warda a deposita mi voto riba Mr. Eman atrobe. Bon trabow alabes tremendo idea.Mike ta un visionario di berdad, un enovador di berdad. Dios bendishone. Mi no tin palabra pa bise danki di corason y bo por sigui Goberna pa cuanto anja cu Dios permiti bo.
,
June 16, 2012
...
Nos ta un tiki confundi ta kiko e cos ei ta riba rails>>>>TRAM of STREETCAR?Sea mas specifico y duidelijk pa nos.Paso ami mes no sa kiko ta bai bin....Auto riba rails manera den ConyIsland .Y no lubida pone e gasto nan pa nos sa tambe di e Streetcar y e Tram....cuanto nan ta sali ...via internet manera Hullanda....nos ehempel.
,
June 17, 2012
Duna Comentario y/of Comparti riba Social Medi |
Mustra/Kita e formulario di comentario
pasobra ora awa yobe tur hende ta muha den e cos aki...mi ta bisa cos aki pa no bisa porkeria
aki ta placa tira afor y aki un par di anja ya e no ta den uso mas
wel ken ta probecha di e cos aki????
ken ta gana placa ariba custia di pueblo