| Arubiano y Brasilero mester a haya yudanza urgente den Oxygen Tank na HOPE Clinic |
 |
 |
| Friday, 15 June 2012 19:23 | |||||||||
|
Sigur esun di Decompresion cu ta pashentnan cu ta bai Dive y bin ariba mucho liher ta keto bai wordo cubri pa e victimanan local cliente di AZV. Despues cu e tratamento di e clinica a bira conoci naturalmente tur hende tin wowo tambe riba e casonan cu mas tabata wordo menciona. Esaki ta e problema cu diving unda nos isla turistico por duna e servicio pa Decompresion tambe sea na local of turista. E siman cu a pasa un Brasilero mester a haya asistencia urgente. El a ser hiba Hospital y for di prome auxilio a sali cune mesora pa HOPE Clinic. E tratamento di e turista aki tabata di anochi y henter marduga pa mainta y asina por a stabiliza e persona aki su oxigeno den su sanger. Den un caso manera e turista Brasilero e mes tin cu cubri e gastonan cu ta alrededor di 3000 dollar. Sinembargo e caso di e Brasilero no tabata e unico caso. Diabierna den dia tambe a sosode un incidente cu un persona local cu a yega Servicio di Emergencia cu problema despues cu el a bai Dive. Na yegada e profesionalnan medico di Hospital na Eerste Hulp a busca yudanza mesora pa hiba e victima Arubiano pa HOPE Clinic. Presencia di ambulance tabata necesario. Semper bo ta mira cu ambulance ta riba caya cu pashent urgentemente pa hospital. E biaha aki e tabata cu urgencia pero bashi pa busca un pashent na Eerste Hulp y hibe HOPE Clinic. Eynan mesora tabata tin un team wardando riba e victima pa cuminsa trate. Esaki probablemente lo ta e ultimo pashentnan tambe den HOPE Clinic pasobra despues cu e proceso di benta keda cla e tankinan lo wordo manda pa su cumprador den exterior. Si nifica tambe cu si algo similar mester pasa na Aruba cu un diver anto mester busca air ambulance cu urgencia pa hiba e persona sea Curacao of Colombia. For di fuentenan ta ser bisa cu e tanki na Bonaire aparentemente no ta funcionando. Cu e Tanki ta un necesidad di berdad lo ta dia e no tey mas nos lo bai constata esaki. HOPE Clinic mes ta di Dr Ike Posner cu a confirma den media proceso di benta di su ekipo.
Comentarionan (8)Mustra/Kita comentarionan ...
NO ta keda otro cos pa haci, pa pronto GOBIERNO y e DIRECTOR di AZV emiti un PROHIBICION pa dive den awanan teritorial di ARUBA!
,
June 16, 2012
...
Ken su interes ta wordo sirbi ora cu AZV ta nenga di duna HOPE un contract pa nan por funciona debidamente?? E pregunta ta ken ta bai importa den un futuro sercano e Hyperbaric chambernan aki na Aruba?? Porta eyora nos lo hanja sa ken su interesnan AZV ta sirbi di berdad. En todo caso NO esun general di Aruba. Ki berguensa e cos aki ta si HOPE mester sera su portanan y ki perdida mas grandi pa tur pashentnan sin conta pa nos cu ta practica e deporte di buseo
,
June 16, 2012
Duna Comentario y/of Comparti riba Social Medi |
Mustra/Kita e formulario di comentario
