| Caya Grandi ta cla pa dia di tata |
 |
 |
| Friday, 15 June 2012 19:46 | ||||||
|
For di oranan tempran di diabierna por a tuma nota di hopi movecion den Caya Grandi na altura di unda antes tabata La Linda. Tentnan a wordo instala mei mei di Caya Grandi y tres veld di "Beach Tennis" a wordo crea pa trahadonan di D.O.W. Esakinan, hunto cu un veld pa Pannabol y un Dino Jump, ta haci henter e experiencia di cumpra e regalonan pa Papa uno mas interesante y agradabel awo cu e area di Caya Grandi ta bou di construccion. Riba e veldnan di Beach Tennis, cu a wordo crea cu santo blanco mei mei di centro di Oranjestad, por organisa tres wega simultaneamente, segun Sjoerd de Vries di e organisacion di Beach Tennis Aruba (BTA), kendenan ta coordina e torneo di Beach Tennis. Banda di e torneo lo tin tambe clinicanan dirigi pa expertonan den e deporte specialmente pa hoben y adulto cu kier siña mas di Beach Tennis. Loke ta haci e torneo mas interesante ainda ta e premio di fls.1000 cu lo tin pa ganadoranan di e torneo aki. Tanto e torneo y e clinicanan ta habri pa un y tur. Tur e eventonan aki ta cuminsa for di 10'or di mainta y ta termina te 8'or di anochi. Cu cooperacion di instancianan gubernamental manera, D.O.W. y Santa Rosa, MAMBO y Gobierno di Aruba, Caya Grandi a keda totalmente transforma pa e diasabra special aki. E tentnan instala mei mei di Caya Grandi lo ta bendiendo un variedad grandi di "cos dushi", cuminda y comerciantenan di Caya Grandi lo tin ofertanan special bou e tentnan aki. Un y tur ta wordo invita pa bin haci compras pa dia di Tata diasabra y na e mesun momento disfruta di e actividadnan cu ta tuma luga den Caya Grandi di Oranjestad.
Comentarionan (15)Mustra/Kita comentarionan ...
Hahahahaha,sinceramente ta di spera cu e resulta bon anque cu esei ta un di e ultimo cos cu por a ser spera den caya grandi. Kisas por a permiti hende hasi compras den bikini y zwembroek tambe y pone algun douche pa kita santo blanco prome cu bai cas bek.Ban spera cu no tin tortuga ta subi tera pa pone webo ariba e dia ey.
,
June 15, 2012
...
Ken a Paga pa e show aki? Mi ta spera cu no ta mi plaka di belasting. Benny y Mike mester paga pa gastonan aki, ta nan a faya cu e proyecto estupido di e tram.
,
June 16, 2012
...
Tin Santa Rosa den caya. Tin pisca, tortuga y baca. Asina ta yega,, pueblo yega.................
,
June 16, 2012
...
Aha, awor mi ta compronde ,esaki ta promotion pa Caribbean Day na playa hahahaha, pasobra San Nicolaas tin Carribbean Night.
,
June 16, 2012
...
Ki BOCHORNO, RIDIc*lEZ e DEROCHE di placa di Pueblo cu un gobierno abiertamente ta usa placa di Pueblo pa haci propaganda (un aviso oficial di gobierno) pa comerciantenan den Caya, lo ta nice pa Andin bin cu un test case pa EXIGI di gobierno pa haci propaganda pa tur e mallnan of charge e negoshinan den Caya pa e aviso den prensa. Bin bij gobierno loco, abiertamente boso ta purba di enriquece boso family & friends.
,
June 16, 2012
Duna Comentario y/of Comparti riba Social Medi |
Mustra/Kita e formulario di comentario
