| Teamnan di Airsoft den union "Ban educa nos mandatarionan kico Airsoft enberdad ta" |
 |
 |
| Saturday, 16 June 2012 11:20 |
|
Esaki ta nos prome reaccion oficial riba tur loke ta pasando rond di nos deporte di airsoft. Door cu hopi hende tin e imagen robes di e sport y personanan cu ta practic’e, nos como teamnan di airsoft a dicidi di reuni pa trese e banda corecto di medaya. Na prome lugar nos kier aclarea cu e muchanan cu a bai hecha baina na scol no ta pertenece na niun team di Airsoft. E replica, manera nos como hungadornan di Airsoft ta jama e “armanan” aki, a wordo cumpra for di un di e integrantenan di un di e teamnan di Airsoft. E miembro aki a bende e replica sin pone e lider di team of miembro di directiva na altura. Esaki a pone cu e directiva di dicho team mester a duna e miembro aki un castigo. Historia di Airsoft. Ta practica e deporte aki mas cu 30 anja rond mundo. E origen di e wega aki ta di paisnan asiatico. Na Aruba Airsoft su entrada ta algo relativamente nobo. Hopi di esnan cu conoce e wega aki tabata hung’e riba nan mes of cu nan yiunan. Pa casualidad 2 anja pasa 2 persona, Marco Batista y Marc Fowler, cu tabata hunga na nan cas a topa otro y a dicidi pa lanta un team. Cu ayudo di algun hende di afo e team aki a lanta y den practicamente 1 anja ya nos conoce 7 team oficial na Aruba. Team nan cu ta activo. Tur team cu tin actualmente na Aruba a lanta cu e mesun ideologia. “Airsoft ta un wega di honor, respet y seguridad.” Si un di e puntonan aki no ta enforsa, e team aki no ta uno serio. Niun di e otro teamnan no lo para su tras of apoy’e. Regularmente tin weganan “scrimmage”, friendly battles y training games ta tumando lugar. Kico cada team ta hasi. Cada team tin nan mesun manera di train integrante. Edad di miembronan di cada team ta varia entre 15 aña cu 60 aña. Door di youtube y otro sitenan riba internet hopi mucha jong conoce e wega di Airsoft y ta busca pa drenta den contact cu un of mas team. Door di actuacion di algun mucha y e sucedido na Colegio Arubano a dicidi cu ta stop di tuma miembronan cu ta bou di 16 aña di edad. Tur team tin cada miembro registra y nan replicanan tambe. A yega na un palabrashon cu Cuerpo Policial por bira e instancia cu ta warda e registro aki. Niun team ta contra pa registro di nan miembronan of replicanan. Kico cada miembro mester cumpli cun’e Cada miembro mester tin un conducta intachabel y mester por anda cu nos reglanan. Airsoft ta e deporte cu tin mas hopi regla cu cualkier otro deporte na mundo. Ora un persona kier ta parti di un team,lo duna y splica e reglanan na dje. Durante e simannan cu e miembro nobo aki ta den e team, lo ripara si e ta aplica dicho reglanan riba tereno of pafor di veld. Y si esaki no ta e caso lider di cada team por tuma e decision cu dicho persona no por pertenece na su team. Cual regla tin E reglanan mas importante di Airsoft ta seguridad i honor. Tur hungador sa cu ora di hunga contra otro bo lo por hasi un miembro, colega, famia of conocir dolor. E balanan (bb’s) cu e replicanan aki ta tira, ta hasi dolor si e dal bo na un parti cu no ta protehi. Pesey nos ta stress na tur miembro, nobo i biew pa tene na cuenta kiko por pasa si bo no ta protehi. Kico nos kier pa futuro di Airsoft na Aruba Nos kier pa Aruba den un futuro sercano por organisa torneonan international unda nos hungadornan por bataya cu e mihornan di nos region. Actualmente nos ta bezig ta organisando e prome torneo nacional di Airsoft cu lo tuma lugar den e segundo mitar di e aña aki. Registra ta algo di cuminsamento Loke cu nos a scucha Minister di Husticia papia den su rueda di prensa ta algo di aplaudi. Semper nos a boga pa tuma e deporte aki na serio. Regisro di e replicanan y cada hungador ta loke tur team kier. Desde cu e deporte a haya su acogida na Aruba un grupo di persona a aserca Minister di Deporte na varios ocasion. Nos a introduci e deporte na su persona, a entrega un documento caminda ta splica kico e deporte ta encera y unda nos lo kier yega cu e deporte na Aruba. Alavez como grupo serio cu a premira e problemanan cu de porte por confronta, nos a pidi cooperacion pa asina evita cu cosnan lo por sali for di man. E tipo di ayudo cu nos a pidi ta concretamente un control mas rigoroso di parti douane pa esnan cu ta importa e replicanan aki y un registracion serio di e intencion pa e uso di e armanan. Nos a bay asina leu di invita ministernan y parlamentarionan pa bin wak y participa un dia cu nos. Y varios di nan a presenta y a participa, esaki no ta un deporte cu nos a trata na laga scondi na ningun momento. Tur team ta di acuerdo cu e persona cu ta kibra ley no lo forma parti di ningun team na Aruba. Na tur persona cu kier ta miembro di un team di airsoft of cu tin gana di lanta nan mesun team, busca informacion serca e teamnan existente. Mayoria team tin un facebook account. No ta costa bo nada pa bin wak i hasi bo preguntanan. Si nos tuma e sucedido na Colegio Arubano como ehempel, e mucha ey no por forma nunca mas parti di niun team oficial di airsoft. E hamas a forma parti y no lo forma parti di un team mas. Danki na e mucha ey su actuacion imperdonabel hopi a sinti cu nan lo a perde nan gusto di mas grandi cu nan ta hasi, esta Airsoft. Nos no ta responsabilisa nos mes di loke un individuo a hasi cu por a sali e victimanan y nos miembronan hopi malo y ta repudia e hecho aki. Nos ta di acuerdo cu tur peso di ley mester baha riba e persona aki. No por ordo replica Nos ta hasi un yamada na tur hende na Aruba cu kier ordo un replica di Airsoft. Pensa prome kiko bo kier hasi. Aserca e team di airsoft den bo bario. Sera conoci cu e deporte aki prome cu bo ordo. Nos ta contento cu Cuerpo Policial a pone un stop na e importacion di e replicanan di Airsoft te ora propone y acepta un delineashon. Nos di e teamnan di Airsoft den union ta para tras di e pensamento aki. Mi ta termina cu e siguiente palabranan: Lets educate our law makers what Airsoft really is. We are a self regulated industry filled with responsible individuals promoting honor, respect and safety. Airsoft is safer than all sports. Airsoft provides millions of jobs and drives economies worldwide. Airsoft is EXACTLY like Airgun, chopstick, baseball bat, waterguns and paintball guns when an irresponsible individual decides to conduct stupidity or violates the law. Airsoft encourages teamwork, socialization, and exercises. Airsoft is a self regulated industry made out of responsible individuals who enjoy the sport and hobby. Airsoft, is the best father and son bonding sport in Aruba! Just because one individual decides to violate existing laws, doesn't mean that we need to make another laws to ban the hobby for hundreds. Den nomber di Teamnan di Airsoft den union: G.I. Joe M.G.A.T. (Marc’s Generation Airsoft Team) A.E.G. (Aruban Elite Gunners) A.E.T.A. (Aruba Elite Tactical Airsoft Squad) H.A.T. (Hammerhead Airsoft Team) Skullmonkeys Rubio J. Romero Comentarionan (3)Mustra/Kita comentarionan ...
Ta redic*lo ora ni KPA, ni minister cu por tin hende drechi rond di dje pa splika ktk cua e sport aki. Nan por a hanja sa hopi cos via google tambe. Sigun e ley nan di aruba, atrobe polis ta hasi coi loco. Nan a stop airgun nan door cu den pasado masha hopi hende a wordo tira? seya acidentalmente of no? Ainda bo por cumpra arma nan aki na aruba cu por tira 900ft pa sec, cu por hasi basta danjo si hasi mal uso di dje. E minister tin un titel di Mr toch? e mester sa mihor cua ley ktk.
,
June 16, 2012
Duna Comentario y/of Comparti riba Social Medi |
Mustra/Kita e formulario di comentario
