|
Departamentonan di gobierno a tene charla riba labor hunto cu mediador di gobierno |
 |
 |
|
Sunday, 17 June 2012 15:46 |
|
Esnan cu ta traha riba derecho y asuntonan cu tin di haber cu labor tabata tin un charla informativo pa diferente grupo of instancianan. E idea a bin for di e pensamento for di e clientenan cu ta bishita e departamento y e preguntanan cu ta wordo haci. Hopi hende no sa kico exactamente kico e meta di Departamento di Labor y Investigacion y tambe e departamento di Progreso Laboral ta.
Sr. Franklin Kock, kende ta un di e oradornan durante e charla aki a comenta cu conhuntamente cu oficina di mediador di gobierno, cual tur luna ta reuni riba temanan laboral, a bin na diferente idea. Un di nan ta cu lo bay organisa charlanan informativo y lo bay mira mas tanto posibel na e pueblo. A parti'e den grupo y diabierna a cuminsa cu un atardi informativo cu ta bay riba e meta y tareanan di DPL, DAO y a invita Human Resource Managernan di e diferente companianan. Fuera di esey a invita representantenan di sindicato. Idea ta pa sigui cu e charlanan aki y tambe bin cu otro topiconan. Durante e presentacion, esnan presente ta haya un formulario cu nan por yena y bisa kico ta e topiconan cu pa nan ta interesante y lo bay percura pa bin cu charlanan riba e topiconan specifico ey. E idea ta pa e departamentonan ta mas conoci den pueblo. Ta importante cu como hefe bo tan a altura di e derechonan di ambos grupo den e sector laboral. Esaki ta un prome sesion caminda DPL, DAO y tambe Mediador di Gobierno tabata presente. Mas leu Franklin Kock a splica riba e importancia di tin diferente human resources management den un tipo di charla asina. Nan ta centra pa e maneho di personal. E idea ta pa ora papia cu nan y haci pregunta e informacion aki ta bay bek pa e traha den e compania. Pa loke ta sindicato, nan tin miembrecia. Si esey no ta suficiente lo bay over pa e trahadornan tambe. Tin biaha hopi hende tin falta di informacion laboral. Pa motibo di falta di informacion por bin conflicto innecesario… Berdad tin hopi ignorancia riba esaki y lo toca e tema aki próximamente. A cuminsa cu e charla riba kico e grupo ta y kico ta representa. Esaki ta un cadena di charla cu lo bay toca varios tema.
 |
Mustra/Kita e formulario di comentario
