| Centro Famia di Criansa Arubano ta continua cu nan campaña pa bira mayor di criansa |
 |
 |
| Monday, 18 June 2012 15:53 |
 Centro di Famia di Criansa Arubano ta sigui cu su campaña “Mi mester di Bo”. Esaki ta un campaña pa asina yega na mas persona cu por brinda un mucha den un situación vulnerabel e cariño y amor cu e merece.
Centro Famia di Criansa Arubano ta un parti di Fundacion Guia Mi y ta traha den cooperacion cu diferente instancia manera Imelda Hof, Casa Cuna, Voogdijraad, Departamento di Asuntonan Social, Stichting voor de Handicapten Aruba y Centro Ortopedagogico. CFCA ta coordina e maneho di famianan di criansa y ta guía e proceso pa un famia of un persona bira un mayor di criansa. Banda di esaki nan ta zorg pa e calidad cu e yiunan di criansa ta haya y pa e guía ta hopi bon. CFCA ta recluta y prepara e famianan y tambe ta percura pa tin compatibilidad entre e mucha y su mayor(nan) di criansa. Relaciona cu e introducción di e campaña aki CFCA a haya varios reacción di personanan cu kier tuma e responsabilidad di bira Mayor di Criansa. Di e yamadanan aki ya caba un par ta siguiendo e debido proceso pa bira Famia of Mayor di Criansa. Sin embargo, ainda no ta yega na e meta y pesey Centro di Famia di Criansa Arubano ta sigui cu e campaña aki pa encurasha mas personanan, ya sea soltero of famianan cu yiu of sin yiu, pa asina tuma e responsalibidad aki di duna cuido, tempo, amor y protección na e muchanan cu pa un motivo of otro no por haya esaki na nan cas. Tin muchanan di diferente edad, entre 0 y 18 aña, cu mester di un famia di criansa. Ta trata di muchanan chikito pero tambe hobennan cu tin e falta di atencion, cariño y proteccion cu nan por haya solamente den un famia y no den un internado. Ta bon pa enfatiza cu cuido di criansa por ta algo temporal y of tin casonan na unda e mucha ta keda biba serca e famia di criansa. Ora di bira mayor di criansa bo ta yudando awe un mucha kende mayan lo forma parti di nos comunidad. Esnan interesa pa bira famia/mayor di criansa por yama 582-0088 of manda email na cfca@setarnet.aw">cfca@setarnet.aw. Tambe por bishita nan website www.famiacriansa.org
|
Mustra/Kita e formulario di comentario
