| Arubus lo ta introduciendo su SmartCard (Kaarchi Intelligente) proximamente |
 |
 |
| Wednesday, 20 June 2012 16:33 |
 Esaki lo bira e manera di pago principal cu lo cuminsa wordo usa den nos Busnan. Awor nos lo duna un splicacion mas amplio di e sistema nobo aki.
Kiko ta un Smart Card (kaarchi Inteligente) di Arubus ? Smart Card ta un kaarchi cu ta hopi parecido na un ATM card of un Credit Card. Kada persona lo hanja un Smartcard cu lo ta personalisa cu potret. Esaki ta haci cu niungun otro persona por usa bo smartcard na momento di drenta den un di nos busnan. Riba bo smartcard bo ta recarga en effectivo y bo smartcard lo tene esaki den su memoria y asina tur hende por pasa nan kaarchi na e reader dilanti caminda e chauffeur di Bus ta sinta y e machine mes lo lesa bo kaarchi y automaticamente deduci e balor di e trip. E Smart Card lo ta disponibel na nos oficina principal na Sabana Blanco 67 ,pero tambe na diferente lugar nan caminda cu nos lo tin campaña nan di registracion. E smartcard lo ta valido pa 2 anja pa tur persona, pero pa e 60 plussers nan y mucha nan di skol esaki lo ta pa 1 anja. Kon mi por hanja un SmartCard ? Pa esaki lo mester registra bo mes na Arubus, treciendo un ID y tambe sakando un potret serka nos pa nos por traha bo smart card pabo. Nos ta bai tambe den tur bario y na diferente lugar nan pa hacie mas facil pa kada persona cu ta desea di traha un smartcard, por registra sin mucho dificultad. Pronto lo cuminsa cu campaña nan di registracion ,caminda nos lo anuncia den cual barionan nos lo ta presente pa tur hende por bin registra pa nan SmartCard. Tambe semper por pasa na nos oficina principal na Sabana Blanco pa haci bo registracion. Esaki lo no kosta nada pa nos usuario nan. Lo bo mester trese bo ID pa nos por registrabo y tambe nos lo saka un potret di bo persona cual lo bai tambe riba e smartcard. E smartcard mes lo wordo entrega mas despues via post, pa evita cu rijnan largo wordo crea na momento di registracion. Kon pa recarga bo smartcard ? Una vez bo ricibi bo smartcard e lo tin un total di 20 trip caba riba dje,asina cu bo por cuminsa usa bo smartcard riba bus mesora. Pa bo por sigui usa bo Smartcard lo bo mester pone fondo riba dje usando un di nos lugar nan pa recarga. E lista di e lugarnan aki lo ta visible tur caminda y tambe den tur corant, radio y planta nan di Television. Una vez bo yega na un di e lugar nan pa recarga, bo ta bisa nan cu bo kier recarga bo Smartcard di Arubus y duna nan bo smartcard y bo suma den effectivo y nan lo sa di pase den e machine cual lo haci bo plaka disponible imediatamente. Bo por Sali for di e lugar eynan y subi Bus mesora, pasobra e fondo lo ta riba bo cuenta mesora. Mester korda si pa check bo saldo regularmente pa bo no yega na subi e bus y e momento ey ripara cu bo no tin saldo sufficiente pa tuma e Bus. Si esaki pasa lo bo mester paga en effectivo na e bus y e lo kostabo mas cu si bo paga cu bo smartcard. Kon ta wak e saldo cu bo tin riba bo Smartcard? Ora bo drenta den nos bus semper bo por pidi un di nos chauffeur nan pa wak riba e reader pabo kiko bo saldo ta. Tambe na cualkier un di nos punto nan pa recarga lo bo por pidi nan pa check bo saldo y dunabo imediatamente cuanto lo tin ainda riba bo smartcard. Kiko mester haci den caso di emergencia ?
Comentarionan (8)Mustra/Kita comentarionan ...
Pa biS**tante ta hopi fasil, traha un 'prepaid visitors card' cu tur hende mag cumpra. Anto wanta e carchi personalisa pa hende local, or cu ta hasi uso di bus hopi. Anto add na e sistema cu ta hende local so ta hanja e prijsnan subsidia door di gobierno, tur hende illegal y turista tin mag di paga full price!
,
June 21, 2012
...
esaki ta pa "Scirbi pa Shon Papiamento, June 20, 2012 "
Hopi ta kere djis paso nan por papia............paso no ta existi e palabra ta pasobra abo mes ta danja papiamento
,
June 21, 2012
...
mi ta hanja e '' SmartCard '' masha REDIc*lO mes!
boso nan a skibi con e otro pasahero nan lo subi bus! pero what about e studiante nan? Boso nan sa masha bon cu tin hopi studiante cu ta hasi uzo di arubus!y what about e 60 + y e studiante nan cu ta pidi supsidio di caarchi di bus?? kiermen tur luna mester regarga y si bo a lubida y bo no tin cen ata bo na pia! echt un molester pa hende e cos aki ta! enbes di mundo avansa pa hasi bida di hende mas fasil tin algun hende kier avansa e mundo pa hasi bida di hende mas dificl! e turista nan tmb ta bai huza '' smart cart''? Nan ni ta biba na aruba!dibiana nan por subi bus norma! Laga e cos mane e tabata!e tabata masha bon! loke boso mester drecha ta cuminsa zorg pa boso nan bus nan sali na ora y pasa nan destinacion nan na ora!
,
June 21, 2012
Duna Comentario y/of Comparti riba Social Medi |
Mustra/Kita e formulario di comentario
e ta MASHIN no machine
e ta UZA no usa
y mas fout tin!
Hopi ta kere djis paso nan por papia y skirbi tres idioma, nan sa Papiamento automaticamente. E tin su reglanan y mester respeta. Hala di fout den e texto aki. 24ora.com duna bo sa ehempel di skirbi corecto y uza palabra corecto. Bosonan ta e media mas grandi na Aruba. Haci uzo di e reglanan!