| Promer resultado Encuesta Laboral Aruba |
 |
 |
| Thursday, 21 June 2012 12:02 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 Meta di e encuesta ta pa midi e desaroyonan recien riba mercado laboral. Conceptonan importante cu a wordo midi pa medio di e encuesta ta: indice di desempleo, tamaño di e poblacion laboral, cantidad di poblacion buscando trabou y e grado di participacion.
E medicionnan ta e resultado di desaroyonan cu a tuma lugar den e periodo di 31 di october 2011 y 28 di november 2011. E resultadonan aki ta wordo continuamente compara cu e resultadonan di Censo 2010. DAO ta gradici tur e casnan, encuestadornan y instancianan cu a contribui na e exito di e encuesta aki. E resultadonan mas importante di e Encuesta Laboral 2011 ta: E indice di desempleo a cay di 10.6 porciento na aña 2010 te na 8.9 porciento na aña 2011. E caida den e indice di desempleo aki ta principalmente e consecuencia di e reduccion di e cantidad di desempleadonan riba mercado laboral. Grafiek 1 ta mustra e desaroyo den e indice di desempleo entre 1991 y 2011. Grafiek 1: Werkloosheidscijfer voor de jaren 1991-2011 Compara cu otro paisnan den nos region manera Corsow (9.7 na october 2009). St. Maarten (10.2 na juni 2009), Barbados (10.2 pa e 4 kwartal 2011), Jamaica (12.8 na october 2011) y Bahamas (13.7 na 2010), Aruba tin un indice di desempleo relativamente abou. Ta un hecho cu Aruba tin un di e indicenan di desempleo di mas abou den e region.
E cantidad di desempleadonan a baha cu 840, un reduccion di 15.2 porciento. E total di desmpleadonan na 2011 tabata di 4679. Grafiek 2: Werloosheidscijfer naar leeftijdscategorie van de jaren
E desempleo entre e hobennan ( personanan entre 14 y 24 aña) a baha di 28.9 porciento na 2010 te na 23.6 porciento na 2011. Grafiek 3: Aantal Werkenden voor de jaren 1991-2011
Grafiek 3 ta mustra cu e poblacion laboral desde 1991 a bin ta creciendo. Entre 2010 y 2011 por mira un crecemento tambe. E cantidad di personanan trahando comparando 2010 cu 2011 a crece cu 1430 persona. Un aumento di 3.1 porciento. E cantidad di personanan cu ta trahando na 2011 ta 47958 persona. Tabel 1. Resultadonan di Arbeidskrachtenonderzoek 2011
E poblacion activo ta aumenta cu 590 persona. Esaki a tuma lugar principalmente pasobra e cantidad di personanan trahando a aumenta. E poblacion activo a representa na 2011 52637 persona.
E grado di participacion na aña 2011 a keda practicamente mescos, cu un caida chikito di 0.9 puntonan porcentual, compara cu aña 2010. E grado di participacion a representa na 2011 62.7 porciento. Esaki tin di haber cu e hecho cu e poblacion total ( 14 aña en adelante) den comparacion cu e poblacion activo a crece mas liher. E crecemento aki por wordo mira principalmente den e categoria di edad entre 14 pa 24 aña (3.7 porciento) y 45 plussers (3.4 porciento). E cantidad di persona inactivo a aumenta cu 1525 persona na 2011 compara cu 2010. Esaki ta un crecemento di 5.1 porciento. E cantidad di persona inactivo ta 31343. Cerca di 89.1 porciento di e inactivonan a indica cu nan no ta disponibel pa un trabou. Cerca di 77.3 porciento di e inactivonan ta consisti di pensionadonan ( 46.1 porciento) y estudiantenan (31.2 porciento). Cerca di 10.3 porciento a indica cu nan ta disponibel pa un trabou. Ta trata aki di un total di 3228 persona. Finalmente a keda comproba cu cerca di 91.4 porciento di e total di hobennan inactivo (14-24 aña) ta estudiantenan. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Mustra/Kita e formulario di comentario
Si e ultimo Censo a wordo manipula (corda e resultado a cay 8 luna laat) esaki por bay den nos prullenbak.