| Diasabra dia 23 di Juni 2012, Irmgard lo ta na Van Dorp Dakota pa presenta y firma su buki nobo “En ik droomde |
 |
 |
| Thursday, 21 June 2012 12:40 |
 E mucha ta sinta den banki na scol y ta mira su dilanti y ta pensa ki ora e bel ta sona, y e jufrouw ta pensa cu e ta scuchando cu hopi atencion. Tambe tin “dagdromers” na oficina. Di e ponencia cu soñonan ta mentira, nos por discuti oranan largo. Nos ta lanta poco poco, biniendo bij: Waw esey tabata un soño!!!!!! E ora nos ta bai analisa e soño: Nos por gana number cu ne? Tin un amor pa mi na caminda? Nos ta bai triunfa den nos carera? Tin un colebra cu un lenga largo den mi circulo di amistad? E ta un indicacion riba corto o largo plazo? E buki “En ik droomde” a wordo oficialmente presente dia 12 di Juni na Biblioteca Nacional departamento Arubiana na Bachstraat. E autor Arubiano Irmgard Frans, desde su infancia, tabata scirbisu soñonan den un schrift cu e pensamento cu un dia e transforma esakinan den un buki. Esaki ta su prome buki y e storia ta tocante un mucha muher cu yama Lea. Na edad jong Lea tabata tin un soño straño, cu nunca e no por a lubida. Nunca e por a pensa cu un dia e lo por a duda si soñonan por bira realidad. E soño ta ficcion combina aki aya cu realidad tocante recuerdonan di su hubentud birando adulto yen di alegria, tristesa, nostalgia, romance y e amor di su bida. Bo ta kere cu su soño lo bira realidad??????? Diasabra dia 23 di Juni 2012, Irmgard lo ta na Van Dorp Dakota pa presenta y firma su buki nobo “En ik droomde…..” Irmgard lo ta na Van dorp foi 11.00 a.m te cu 1.00 p.m Pues bo ta keda cordialmente invita pa pasa na van dorp dakota y ser conoci cu e autora nobo aki.
|
Mustra/Kita e formulario di comentario
