| Dementie Café CasMarie |
 |
 |
| Thursday, 21 June 2012 15:20 |
 Importante ta cu nos ta capaz di reconoce e señalnan y nos ta na altura di e consehonan y posibilidadnan cu tin ora un persona wordo diagnostica cu e syndrome di demencia. Pa cualkier pregunta tocante e syndrome di demencia y guia con pa anda mihor cu un persona cu tin demencia semper por acudi na fundacion CasMarie. Desde e luna di juli nos lo brinda e servicio Grupo di Conversacion pa famia, e meta di e servicio aki ta pa topa cu otro cuidador informal y intercambia cu otro encuanto diferente topiconan relaciona na e syndrome di demencia. Si ta desea di participa na e grupo aki of si ta desea di haya mas informacion por tuma contacto libremente na number 569.6910. Nos proximo Dementie Cafe lo trata e tema di biba cu demencia y nos lo mustra un pelicula den e idioma Hulandes. E dementie Cafe CasMarie lo tuma lugar riba: Dia : 27 di juni 2012 Orario: 7.00 pm – 9.00 pm Lugar: Spirit of Aruba, Ierlandstraat 22 Tema: Pelicula, Con demencia a influencia y afecta e bida di un pareha
Pa mas informacion y pa reserva lugar por bel number 569.6910 of bishita nos pagina di Facebook Dementie Café CasMarie. Nos ta spera di topa cu bo persona y por yama bo bon bini riba e anochi aki cu lo ta uno hopi special. Pasa libremente, experencia, scucha y combersa. Ban haci un diferencia………….Hunto nos lo logra!
|
Mustra/Kita e formulario di comentario
