Un cantidad limita di Tickets pa e Women in Leadership disponibel

Thursday, 21 June 2012 17:48

E dia pa e grandioso Women in Leadership 2012 ta yegando y ATIA cohuntamente cu CMB ta orguyoso di anuncia cu esaki lo bira un exito rotundo un biaha mas. E magnitud di su presentadornan lo enrikece e participantenan presente. Pa e motibo aki su organisadornan kier informa e comunidad di Aruba cu awe diabierna 22 di juni 2012 ta e ultimo dia pa tur participante cu a reserva nan tickets pa pasa busca esakinan, ya cu tin un lista grandi di persona cu kier asisti na e gran evento aki.

Tambe su organisadornan kier anuncia cu solamente tin un catidad limita disponibel di tickets ainda.

ATIA su team di liderazgo kier recorda comunidad cu no ta solamente nos damanan por enrikece nan mes cu e conferencia aki, pero tambe e cabayeronan cu ta parti di e mundo laboral fructifero di Aruba. Pa e Women in Leadeship aki tambe e studiantenan di Aruba a haya oportunidad pa ta presente. Varios tickets a wordo ofreci na un prijs mas faborabel na e studiantenan cu ta desea di por siña hopi mas.

Aruba completo no lubida cu durante e “Women in Leadership” aki lo ta presente Suzanne Leonard kende a CEO y Founder di Vanguard “The Thought Leaders' Alliance”. E vision di Suzanne y di Vanguard ta pa provee liderazgo cu ta resulta den cambio positivo den bo finanzas, den bo bida personal y den un comunidad completo. Tambe lo t’et Gaytri Kachroo. Gaytri ta un abogado cu a traha su caminda den un “man’s world” esta e mundo di international law, finanzas y politica. No solamente e tabata tin e corahe di enfrenta un di e hombernan di mas poderoso na mundo, esta Bernie Madoff ex-presidente di NASDAQ pero e la representa e klokkenluider (whistleblower) den e caso conta Bernie Madoff, un caso cu a afecta mundo completo.

Por ultimo lo ta presente Lisa Nichols cu su workshop “Achieving Greatness, No Matter What!”, kende tambe a tuma parti den e tremendo buki di “The Secret”. Lisa lo trece un mensahe impactante di “empowerment”, servicio, excelencia y gratitud. Lisa su mensahe a touch miyones di hende rond di mundo. Lisa su participacion den e pelicula The Secret a acapara atencion rond mundo.

Pa clausura e gran conferencia aki, lo tin un “happy hour for a cause”, unda cu tur lo ke wordo genera lo wordo duna na un instancia caritativo na Aruba.

Aruba completo bishita awe mes www.womenleadaruba.com, website di ATIA. www.atiaaruba.org y facebook www.facebook/womenleadaruba pa keda na haltura di tur cos tocante e grandioso conferencia aki. Tambe no lubida di reserva bo carchi awe mes. Esakinan ta obtenibel na ATIA of yama 5827593 of mail rsvp@atiaruba.org pa reserva esun di bo y pasa busca esaki di biaha.

Comunidad di Aruba no perde e oportunidad aki. Pasa busca bo carchi awe mes!