Recicla ta nifica haña Fun Miles

Thursday, 21 June 2012 18:45

Ecotech, e compania di maneho di desperdicio, ta e partner mas recien di Fun Miles, e programa di spaar y cambia punto di mas grandi den Caribe. Pa clientenan di Fun Miles esaki ta nifica algo hopi atractivo: ora cu nan hiba materialnan di reciclahe gratis na Material Recovery Facility (MRF) Container di Ecotech nan ta ricibi Fun Miles.

Esaki ta posibel diasabra dia 7, 14, 21 y 28 di juli for di 8 te 12’or na na Kooyman MegaStore. Despues e container lo ta accesibel na differente localidad rond di nos isla cu lo wordo anuncia despues den medionan di prensa. Clientenan di Fun Miles cu hiba nan material promer cu dia 28 di juli tin chens di gana un weekendstay na Renaissance. Miembronan cu ta recicla hopi ademas ta ricibi un pen holder den forma di mini-kliko regalo (tanten tin den stock).

Promove cuido di nos medioambiente

Ecotech for di 1999 ta un organisacion inovativo riba tereno di maneho di desperdicio cu ta ofrece un programa completo pa colecta desperdicio na empresanan y casnan. Mediante un proceso avanza Ecotech ta surti desperdicio cu e fin di recicla. Banda di esey Ecotech ta motiva publico pa nan mes surti nan desperdicio y entrega esaki pa por recicla. Aworaki Ecotech ta recompensa e iniciativa aki dunando Fun Miles. Tur hende por haci esaki riba diasabra 7, 14, 21 y 28 di juli for di 8 pa 12’or, den e MRF container cu tin na Kooyman MegaStore (pues no na Ecotech.) Esun cu entrega mas cu 50 kilo na material cu por recicla ta ricibi un penholder den forma di mini-kliko gratis (tanten tin den stock).

Cuida medioambiente y gana un weekendstay na Renaissance!

Pa hala mas atencion posibel riba e iniciativa berde aki tin un campaña di introduccion: clientenan di Fun Miles cu hiba nan materialnan pa reciclahe na Kooyman MegaStore diasabra 7, 14, 21 y 28 di juli (y swipe nan carchi) ta participa gratis na un rifa pa gana un weekendstay na Renaissance Aruba Resort & Casino. Lo tuma contacto cu e ganadornan.

Tocante Fun Miles

Fun Miles ya pa casi diescinco aña ta é programa di spaar y cambia punto gratis di mas grandi di Caribe. Cu mas di 125.000 miembro reparti riba cinco isla, Fun Miles ta ancra fuertemente den e comunidadnan. Por spaar Fun Miles na mas cu 150 localidad na Aruba, Boneiro, Corsow, St. Maarten y recien tambe na St. Eustatius pa un cantidad di producto y servicio atractivo. Fun Miles constantemente ta centro di atencion pa su campañanan espectacular, incluyendo e popular campañanan di fin di aña y campañanan di introduccion cu partnersnan atractivo manera Ecotech.

MAS INFORMACION TOCANTE FUN MILES Y ECOTECH?

Pa mas informacion tuma contacto cu Customer Service di Fun Miles na 588 9947 of Ecotech 523 6622.