| Vuelonan for di Venezuela ta sold out y nos ta conta cu 7 charter te awor for di e pais bisiña |
 |
 |
| Thursday, 21 June 2012 20:30 | |||
|
Diahuebs atardi Minister Otmar Oduber tabata presente na un conferencia di prensa relaciona cu E di tres edicion di e Aruba Internacional Film Festival cu ta incia diabierna awor. El a inicia gradiciendo Jonathan Vieira cu e tremendo actividad, caminda cu cada aña cu a pasa e actividad aki a bin ta creciendo y a gana e reconocemento internacional cu Aruba tabata busca dor di sostene un actividad asina. Esaki ta un diversificacion y algo importante pa menciona ta cu e cantidad di prensa internacional cu ta cubri e evento aki a bin ta creciendo tambe tur aña no solamente den cantidad, pero tambe den calidad. Aruba ta hayando un balor di exposure den medionan internacional enormemente grandi, miyones di dollar cu a wordo midi dor di ATA y otro agencianan. Continuando, e mandatario a bisa cu e aña aki kier a kibra e reto cu tin di unicamente tin un cantidad grandi di medionan di prensa na Aruba, pero percura tambe pa tin un cantidad grandi di hende cu ta bishita nos isla. Den conversacion diahuebs atardi mes cu oficina di turismo y aeropuerto, Minister Oduber a haya noticianan sumamente positivo. “Tin algo cu ta sosodiendo den e ultimo oranan aki, pasobra antayera a confirma 3 charter adicional di cual 2 ta bin di Caracas y 1 di Valencia, y un rato pasa ma wordo confirma cu nos tin 7 charter. Kiermen den menos cu 24 ora a bin 4 charter adicional, 6 di Caracas y 1 di Valencia”. Banda di esaki no ta descarta e posibilidad cu vuelonan adicional bin. Esey kiermen cu tur e vuelonan for di Venezuela particulamente ta sold out pa Aruba. Pa loke ta e parti di General Aviation, esta avionnan priva, e reaccion ta sumamente positivo, siendo cu normalmente ora tin puente na Venezuela ta ora cu mas avion priva ta bin y e fin di siman aki no tin puente. Minister Otmar Oduber ta indica cu e intencion di amplia e festival di cine cu 3 dia di concierto mas un dia na Cas di Cultura, a conduci cu nos ta ricibiendo un cantidad adicional grandi di personanan na Aruba den e fin di siman aki. Elaborando riba e fondonan cu Gobierno di Aruba a pone disponibel, Minister di Turismo, Transporte y Labor a bisa cu esakinan a keda practicamente mescos durante ultimo 3 aña, y pesey na final el a pidi un fuerte aplauso pa engrandece e film festival cu conciertonan di tal magnitud.
Comentarionan (6)Mustra/Kita comentarionan ...
E lugar pa e conciertonan ta perfecto, pero trafico lo pega, pensa riba hasi uso di e tereeno di X free zone, laga e autonan taxi, o y t, pasa via entrada di WAF container drenta free zone bai noord,bin abow, baha hendenan na e cura pariba di e concierto traha un antreda door di e waya, esaki lo pone e trafico core smooth, y solamente permitie vehic*lonan cu ta transporta turista hasi uso di esaki. Igual ora econciertonan caba pa recoge nan den e lugar ey, pa trafico i e turistanan ta mas sigur. Saludos i hopi suerte.
,
June 21, 2012
...
Wak e bon gobierno cu nos tin na Aruba, Mark Anhtony a kobra gobierno pa su concierto US. $. 600,000.00 i Juanes a kobra pa su concierto US. $. 400,000.00 sin conta e organisacionan cu ta suprasa 200,000.00 den WAF, i abo pueblo di Aruba tin cu paga tur e debe ej, sin cu bo no a drenta wak. Asina nos ta haja politikonan cu ta probecha di gasta plaka di pueblo, e parti aki si niun hende no ta wak. Habri boso wowonan pueblo, tur gobierno ta mescos, nan tej pa kaba cu bo, pero ta Dios no ta drumi. (Organisashon total a suprasa US. $. 2,000,000.00)
,
June 22, 2012
...
E cos aki no ta un film festival. Era cuminsa bira mas un evento manera Jazz festival. Nan mester cambia e nomber, paso ak e film festival nan den exterior. Aruba ta bezig cu algo full otro!, nan tin cierto cos nan di cine, pero e focus no ta riba e film.
Tambe mi ta haya cu tin mucho hopi actividad nan grandi riba aruba, cuminsando cu carnaval comienso di anja. Enbez di focus riba fiesta, bin cu cos nan positivo pa nos hoben nan tambe. Paso hubentud ta bayendo malo. Bin cu mas cos di Dios i actividad manera sparkling tour, cu ta atrae hende pero ta positivo i cu e focus pa hubentud.
,
June 22, 2012
...
Nos a hasi un sondeo y loke Otjes ta papia aki ta puro mentira!!
E hotelnan ta bashi bashi y no tin reservacionnan tampoco. No tin ningun grupo grandi di afor ta bin wak mickey mouse ni tampoco e copia di Aruba Music Festival manera den e temponan glorioso di e gobierno anterior unda nos por a gosa di gruponan y artistanan di taya !!!!
,
June 22, 2012
Duna Comentario y/of Comparti riba Social Medi |
Mustra/Kita e formulario di comentario
