CIB Worldwide, un compania di Canada specialisa den maneho di credito, ta ofreciendo diferente seminario tocante maneho di credito y fiamento di placa na fin di juni na Hyatt Regency Aruba. E topiconan cu ta wordo adresa den tres diferente seminario ta: maneho di credito pa companianan cu ta extende credito na nan clientenan; con pa maneha prestamo di estudio; y con pa maneha bo salario.

E seminario di un dia "Lending with Confidence ta diriga na companianan cu ta extende credito diaramente na clientenan individual como tambe companianan. E seminario ta splica reduccion di risico, con pa haya clientenan pa paga nan cuenta y colaboracion di credito y cooperacion entre companianan local. E seminario aki lo tuma luga ariba diahuebs, dia 28 di juni di 9'or di mainta pa 5'or di atardi. CIB Worldwide y M.D. Greenidge, autor di Broke on Payday lo presenta strategianan innovativo pa realisa bon maneho di e sistema di credito. Tambe CIB Worldwide a anuncia nan curso di 2 ora cu e titulo "Broke on Payday", cu ta dirigi na hendenan cu ta biba di salario pa salario y tin dificultad pa yega e siguiente salario cu placa den banco. E seminario aki ta diseña pa provee e tipnan y tecnicanan corecto pa maneha finansas na cas, con pa maneha finansas personal y mantene un bon rating cu banco. E punto mas importante di e seminario aki ta cu e ta siña esun cu atende cu "tur hende por spaar placa, no importa cuanto nan ta gana." E seminario aki ta pa bo: si bo ta experenciando retonan cu pagamento di bo cuentanan, si bo no ta cualifica pa credito nobo y ya no ta resta placa apenas poco dia despues cu bo a cobra. Broke on Payday ta tuma luga na Hyatt Regency Resort diasabra dia 30 di juni di 10'or di mainta pa 12'or.E di tres seminario cu ta wordo presenta pa CIB Worldwide ta siña studiantenan y futuro studiantenan, como tambe nan mayornan con pa caba scol sin debe."In School and In Debt" ta un mini seminario pa siña e studiante y su mayornan con pa caba scol cu masha tiki of hasta zero na debe di estudio of con pa reduci y elimina nan debe di estudio mas eficientemente y toch no keda den preta financieramente. E seminario aki ta dirigi tambe na studiantenan cu ya caba a gradua y tin debe di estudio pa paga, pero ta experenciando dificultad pa reduci of caba paga nan debe y tambe esnan cu ta cuminsando un estudio na September 2012. E ultimo seminario aki ta wordo duna na Hyatt Regency Resort ariba diasabra dia 30 di juni di 2'or pa 4'or di atardi.“E seminario aki ta importante”, asina Nancy Croes, representante di CIB Worldwide na Aruba a bisa. “Pasobra den e economia den cual nos ta bibando e informacion cu nos kier trece lo yuda cada compania cu participa pa haya un edge riba su competencia. E lo duna bo compania e skills pa logra colecta for di bo clientenan y retene nan, y asina mehora bo bottom line y mantene un balansa saludabel”.

Comentarionan (2)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi