| Busca Arte na Museo Arqueologico Nacional Aruba den vakantie |
 |
 |
| Wednesday, 27 June 2012 16:15 | |||
 Lo enfoca riba ‘arte’ di cual tin masha hopi ehempel den exposicion di Museo. Pa esnan cu nunca a bishita Museo e buskeda lo hibanan na conoce entre otro e arte di ceramica, pintura y di stempel. Pa esnan cu conoce e exposicion caba e buskeda ta hiba nan pa descubri e pintura di e ‘homber cu barbulet’, e ‘mascara’ di raton di anochi y te hasta arte contemporaneo. Pa tur edad y tamaño di grupo lo tin actividadnan pa entretene y educa. Participantenan lo traha cu diferente material y lo no falta actividadnan pa move e curpa. Gruponan cu ta desea di participa mester tuma contacto cu Museo y hasi reservacion. Ya caba tin mas di 300 mucha di varios camp cu a inscribi pues hasi reservacion na tempo. Museo ta cobra un suma simbolico pa cada grupo y ta conta cu sosten di Cede Aruba y Ministerio di Cultura pa hasi e programa aki accesible pa nos comunidad. Pa esnan cu ta desea di bin cu nan yiunan, famia of den un grupo mas chikito nan por cumpra un guia pa 1 florin na balie di Museo y bai riba e buskeda nan mes. Ta recomenda tur bishitante pa yega Museo via di e entrada banda di Sport Caribe den Emmastraat. Hunto cu DOW y Polis, Museo lo percura pa coordina yegada y salida di e.o. busnan di e gruponan di vakantie. Pa esnan cu ta yega na pia tambe esaki ta e mihor via. E ta ademas un caminata caminda por aprecia e edificionan monumental ‘Huisje Wild’ y ‘Cas Henriquez’, prome cu bo yega Museo. Pa inscripcion na e programa di vakantie y pa mas informacion por tuma contacto cu Museo Arqueologico na 582-8979 of manda un e-mail na info@namaruba.org" target="_blank">info@namaruba.org. Ta encurasha tur lider di grupo pa planea pa mucha y hobennan den nan camp participa na e programa y no trece nan Museo sin un reservacion. Via e Facebook page Archeo Aruba por keda na altura di e actividadnan di Museo.
|
Mustra/Kita e formulario di comentario
