| Hospital ta extende contract di pensioen cu Fatum |
 |
 |
| Wednesday, 27 June 2012 16:31 |
 Dr. Horacio E. Oduber Hospital tin mas cu 860 trahado y nan futuro ta siguramente importante pa Hunta di Directiva di Hospital. Pa es motibo recientemente Hospital y e compania renombra Fatum a firma prolongacion di e contract di pensioen.
Dia 1 di augustus 1982 Hospital a cuminsa cu un relacion duradero cu Fatum na unda a firma e prome contract di pensioen collectivo. Desde e fecha aki a keda mehora y renoba e contract teniendo cada bes e beneficio di trahado na promer lugar. E biaha aki a presenta un pakete completo cu algun modificacion cu condicionnan faborabel pa e pensioen di e empleadonan di Hospital. “Nos ta sumamente contento cu e contract nobo y lo sigui traha cu Fatum pa un futuro cu un pensioen bon sigura pa tur nos trahadonan”, segun señor Theo de Kool di Hunta di Directiva di Hospital. Hospital ta mira den Fatum un partner confiabel y solido conoci pa su infrastructura y proceso administrativo eficiente. E contract aki ta nifica un otro paso pa dilanti pa un futuro positivo pa tur empleado di Hospital.
|
Mustra/Kita e formulario di comentario
