| E di dos orador “Dr. Gaytri Kachroo” tambe a yega Aruba pa e Women in Leadership |
 |
 |
| Wednesday, 27 June 2012 16:38 | |||
 Dr. Gaytri Kachroo lo ta un di e oradornan durante e Women in Leadership Conference cu lo tuma lugar diabierna awo, dia 29 di juni den Renaissance Convention Center. Dr Kachroo lo ta compartiendo su experiencia con den casonan grandi di fraude y decepcion un aspecto di bida cu ta wordo atacha ta confianza y ta sumamente importante pa e persona en cuestion pero tambe pa empresanan pa e confianza aki wordo restaura. Dr. Gaytri Kachroo tabata tin e corahe di enfrenta un di e hombernan di mas poderoso na mundo, esta Bernie Madoff ex-presidente di NASDAQ y a representa e “klokkenluider” (whistleblower) den e caso conta Bernie Madoff, un caso cu a afecta mundo completo. Dr. Kachroo ta opina cu e hende muher en general tin un habilidad pa kibra bareranan, yega na curason di hende y pone na realse con pa haci uzo di bo habilidadnan den un forma mas productivo. Di e forma aki bo ta aporta na un diferencia den nos comunidad. Hende muher por yuda restablece confiansa y haci un impacto socio economico pa asina forma e futuro di e famianan, comunidadnan, paisnan y mundo henter, tur esaki den un balanse cu e hende masculino. Pa clausura e gran conferencia aki, lo tin un “happy hour for a cause”, unda cu tur fondo recauda lo wordo entrega e mes un dia na un instancia caritativo local. ATIA kier recorda tur e participantenan pa yega na ora pa asina nan por disfruta di e gran evento aki. E conferencia ta cuminsa 8or di mainta y lo dura te cu 4or di atardi. Keda informa door di bishita www.womenleadaruba.com, website di ATIA. www.atiaruba.org y facebook www.facebook/womenleadaruba.
|
Mustra/Kita e formulario di comentario
