| San Nicolas Business Association ta sostene proyecto di Gabinete Mike Eman cu oficinia di turismo na San Nicolas |
 |
 |
| Wednesday, 27 June 2012 16:58 | |||
 Roland Peterson a bisa cu e ta contento cu Aruba Tourism Authority (ATA) su oficina nobo cu lo wordo situa den centro di San Nicolas, cual ta algo cu den su opinion mester a wordo haci for di hopi tempo caba. E ta splica cu ta importante pa San Nicolas por tin un oficina cu lo duna informacion na e turistanan y haci propaganda pa promovee turismo na e parti Pariba di Brug ya cu San Nicolas tambe tin hopi pa ofrece nos bishitantenan. E oficina nobo di ATA na San Nicolas lo trece un trafico mas grandi di turismo pa e area aki, segun expectativanan di Roland Peterson, como tambe guia y conseha turistanan riba lugarnan pa bishita ora cu nan ta Pariba di Brug. San Nicolas Business Association semper a boga pa transparencia den maneho y Presidente di SNBA ta haya cu e trabou cu Gabinete Mike Eman ta haciendo pa San Nicolas ta uno cu ta hibando e parti aki den un direccion hopi positivo y cu e transparencia den cual e proyectonan ta wordo haci ta sumamente importante. ATA su oficina nobo situa na San Nicolas lo duna informacion y guia na turistanan bishitando San Nicolas, un vision di Minister Otmar Oduber, kende pa hopi tempo caba a bin ta boga pa desaroyo turistico di e parti pariba di nos isla.
|
Mustra/Kita e formulario di comentario
