| ATIA hopi satisfecho cu: Bonaire Trade Mission ta priminti di bira hopi interesante |
 |
 |
| Wednesday, 27 June 2012 20:44 |
|
ATIA tin entendi cu e delegacion di Boneiro ta hopi entusiasma y cla pa biaha pa Aruba pa asina bin sera conoci cu comerciantenan local y sondea oportunidadnan di negoshi riba e mercado Arubiano. Comerciantenan Arubiano cu ta interesa solamente pa e “match making” cu companianan of organisacionnan Boneriano, por tuma contacto libremente cu ATIA pa comunica disponibilidad pa por traha cita cu e compania Boneriano. E servicio di “match making” aki ta gratis. Comerciantenan cu tambe kier haci uzo di e posibilidad pa cera conoci cu henter e delegacion di Boneiro, incluyendo e gobernantenan y network cu e grupo aki ta keda cordialmente invita pa tuma contacto cu ATIA International Desk, sra. Esther Pezij-Broeksema, pa asina duna tur e datonan di e compania cu kier participa. Prijs pa acudi na FULL e programa, incluyendo cocktail party, lunch y dinner cu full e delegacion di Boneiro ta costa $200,- pa persona. Pa miembronan di ATIA e prijs ta $150,- pa persona. Obhetivo di e mision ta pa desaroya e cooperacion economico y e relacionnan di comercio entre Aruba y Boneiro. Tambe kier atrae empresario y inversionistanan di Aruba pa Boneiro y logra promove mas exportacion di producto y servicio di Boneiro. Durante di e Trade Mission lo firma un combenio di hermandad entre e dos islanan cu e determinacion pa reforsa e obhetivo nan aki. Pa mas informacion por tuma contacto cu sra. Esther Pezij-Broeksema na Aruba Trade and Industry Association na telefon 582 5662 of 732 0108 of email esther@atiaruba.org Por subi e webpage www.atiaruba.org pa download e formulario di registracion. |
Mustra/Kita e formulario di comentario
