| Seminario riba Cancer y Anti-Vehecimento den luna di Augustus na Aruba |
 |
 |
| Wednesday, 27 June 2012 21:20 |
|
Otro aspecto ta cu durante e seminario lo lansa e idea pa lanta un Fundacion internacional cu lo traha pa trece expertonan Aruba den forma regular, pa siña e habitantenan con pa hiba un miho calidad di bida, na mesun momento duna Gobiernonan idea con pa baha gastonan riba e tereno di medicina. El a splica cu pa algun aña caba el a bin ta organisando e tipo di seminario aki y aña pasa tabata e prome internacional cu a hiba e titulo “Bo salud ta bo beyeza”. Na e occasion ey, a conta cu presencia di expertonan internacional pa papia riba con pa cuida salud, y lo sigui den e direccion aki pa mustra cu loke cu ta haciendo awor pa e pashentnan na Aruba no ta suficiente. E ta kere cu cientificamente ta demostra cu por integra tur e facultadnan di medicina pa mehora e pronostico di salud di e pashent. E titulo di e Seminario aki lo ta “Hope for the Hopeless”. Hopi biaha, e ta bisa, tin pashentnan di cancer cu no tin solucion of salida, dependiendo solamente di kimoterapia y radioterapia. Pero ciencia a bin descubri awor cu esey no ta suficiente. Cientificonan ta bisa cu mester studia e cromosomanan, ya cu den nan por haya informacion di kico mester haci pa e pashent, cuanto kimoterapia y radioterapia mester duna na cada pashent of si e remedinan cu e pashentnan ta uza pa nan malesa ta beneficioso si of no. Pues e idea ta pa haci tratamento di un otro forma. Incluso, pa pashentnan cu ta uza remedi pa presion lo bini cu e sistema di “Tele-medicine”. Den e sistema aki e pashent ta haya un aparato pa bay cas cune, despues di dos of tres dia tin tur e datonan pa sa cu ta e remedi exacto cu e pashent mester di dje pa maneha su problema di presion halto, evitando e efectonan secundario cu normalmente nan ta sinti. E seminario, dokter Croes a splica, lo bay ta un preview di loke lo bay sosode na februari di otro aña, durante temporada di carnaval. E tempo ey lo tin un Congreso mundial di anti-envehecimento cu lo tuma luga na Aruba. Durante e seminario di dia 9 di augustus awor lo bay tin e orador dr. Luis Romero, kende ta un profesor den investigacion di cancer; dr. Richard Clement; Francisco Martinez, kende ta specialista den hormona. Manera ta conoci, a descubri cu plastic (manera ora di keinta cuminda den microwave) ta comporta su mes como un hormona den e curpa, hunto cu e cumindanan lihe, ta haci cu e cancernan ta creciendo. Martinez lo bay elabora riba e tema aki. Dokter Croes mes lo bay elabora riba e tema kico un dokter di cas tin di haber cu cancer. E lo comparti cu su coleganan loke e mes a siña riba e tereno aki. Otro orador lo ta Dr. Tim Patell, kende ta e specialista riba e tema di anti-envehecimento cu lo bay mustra Gobierno estadisticanan cu ora cuminsa aplica tratamentonan anti-vehecimento lo no bay mira malesanan degenerativo mas den e grandinan, pues lo por yega edad hopi halto sin problema di presion, sucu, sin cancer y sin alzheimer. Tur e malesanan aki por wordo mira via un mashin di test nobo, cu cual ta mira via e cromosomanan y por combati esaki. Tur esaki, dokter Croes ta bisa, ta baha e gastonan di Gobierno. Minister di Salubridad Publico dr. Richard Visser tambe lo hiba un discurso dunando informacion riba maneho di Gobierno riba e temanan di e seminario. Participantenan pa e seminario di dia 9 di augustus, cuall ta habri pa tur hende, por registra na oficina di dokter Croes na Madiki Kavel 23. Ticket lo costa 100 florin pa e dia completo, cual lo ta na Radisson Resort, for di 8’or di mainta pa 6’or di atardi. Comentarionan (3)Mustra/Kita comentarionan ...
Un di e mihor dokter Arubano cu nos tin aki na Aruba.Tin tres dokter cu tin mas pachent na Aruba e ta un di nan.Un dokter cu un vission grandi pa su pueblo mester apprecia nos joei di tera nan cu ta dokter pero dokter cu sentimento humano awel Dr J.Croes ta un .God Bless U Dr John Croes....Y hopi exito dia 9 augustus...cu bo seminario...
,
June 28, 2012
...
Un bon dokter Arubiano y e merece attention pa loque e ta bisa.E ta un di e tres dokter cu tin mas paschent na Aruba dicon?Paso e ta dedica su tempo y amor pa su labor como dokter.Un di nos dokter y joei di terra mas moderno y avansa den trato di paschent cu ta haci e paschent conciente ta bale la pena un joei di terra asina ,Mare tur dokter ta pensa manera e dr aki cu ta nos joei di terra.Dios bendicione semper...
,
June 29, 2012
Duna Comentario y/of Comparti riba Social Medi |
Mustra/Kita e formulario di comentario
