| Grupo di bombero rabia ta reacciona: Directiva di SINBA ta fix nan mes y miembronan ta na soño |
 |
 |
| Wednesday, 27 June 2012 21:41 |
|
Tin un proceso andando cu SINBA ningun momento ta mustrando transparencia cu su miembronan. Practicamente tur esnan cu ta den directiva lo haya un promocion increiblemente grandi y retroactivo di January 2011. Algun miembro a descubri e movecion misterioso aki. Mientras cu e miembronan ta bai dilanti cu 65, tin cu te maximo di 200 florin, esnan den SINBA lo haya un adelanto di 600 y tin te hasta di 1000 florin. Varios di nan ta esnan cu ta dirigi cierto grupo di paga candela. E grupo di miembro na cuerpo di bombero disgusta ta basa riba e falta di sinceridad di SINBA. Nan kier transparencia pa asina SINBA bin mustra a base di un tabel kiko y con cada miembro di cuerpo di bombero ta bai dilanti. Asina cada uno lo mira realmente con e directiva di SINBA a sa di fix nan mes zuiver zuiver. Mas leu tin un cambio den henter e sistema cu lo bai perhudica un cantidad di e miembronan. Ta poni cu un persona cu tin 45 aña pariba no por sigui opleiding pa officier. Lo ta bon pa SINBA splica su miembronan con nan por acepta algo asina. Hopi di esnan cu tey awe y no tin 45 aña ainda lo perde nan chens. Pa ora cu un colega bai cu pensioen y nan bin na remarke nan a pasa 45 aña. Esey kiermen nan chens pa bira officier a cay na awa tambe pasobra nan no por sigui crece mas despues di 45 aña como miembro di cuerpo di bombero. E ta un cos cu lo bai rementa den cuerpo di bombero pa simplemente falta di sinceridad y transparencia di SINBA cu ta usa su miemronan pa pone presion pero awor nan mes a regla na cos lubidando riba nan soldatnan. Awor mes tin masha hopi miembro cu a keda perhudica pa falta di opleiding durante hopi tempo y awor ta bin cu un maneho asina cu mas bien a caba di perhudica esnan cu hopi aña no por a sigui un opleiding. Comentarionan (4)Mustra/Kita comentarionan ...
hahahahaha
 awor numa e miembronan di SINBA a hanja sa kende ta nan Presidente awel locual boso nan a hanja sa awor ta solamente e principio.......corda ora boso tende " BOM " mes con e la fix su mes pero..............ESEY TA UN SORPRESA.........LAGA CAMPANJA ELECTORAL CUMINSA..........CORDA CANA CU E BOTER DI ALCOLADO SI PA BOSO NO CAY FLAUW DESPUES!!!
,
June 28, 2012
...
Mihor cambia e nomber di SINBA pa SINBE, cu ta bay den e direccion di ,,SINBErguensa,,!
,
June 28, 2012
Duna Comentario y/of Comparti riba Social Medi |
Mustra/Kita e formulario di comentario
