|
"Happy Hour for a cause" cu Hypnotiq |
 |
 |
|
Wednesday, 27 June 2012 21:56 |
|
Diabierna awor, dia 29 di Juni, ta tuma lugar e tan espera Women in Leadership Conference den Renaissance Convention Center, un iniciativa di ATIA, patrocina pa Caribbean Mercantile Bank N.V.
E aña aki e conferencia ta presenta un formato diferente, incluyendo un tremendo clausura cu un “HAPPY HOUR FOR A CAUSE” patrocina pa entre otro HPNOTIQ & HPNOTIQ Harmonie distribui pa Aruba Trading Company, na unda tur fondo recauda lo bay completamente na un fundacion local. E Women in Leadership Conference ta wordo organisa cu e vision pa toca temanan manera e inigualdad entre hende homber y hende muher den diferente sector y fomenta un diversidad mas grandi, door di educa y inspira hende muher den e area laboral. E promer Women in Leadership Conference a presenta un panel distingui di profesionalnan local y internacional cu a discuti y duna ehemplonan di bida real na unda hende muher na Aruba y den e region a crea caminda pa exito pa nan mes. Despues di e conferencia participantenan ta wordo invita pa pasa na e Garden Area di Renaissance Convention na unda pa AWG25,- nan por disfruta di entre otro un HPNOTIQ Open Bar Happy Hour di 4pm pa 6pm. E dia aki Bartender di Aruba Trading Company y staff di Renaissance Convention Center lo prepara diferente signature cocktails cu e productonan HPNOTIQ & HPNOTIQ HARMONIE, tur delicioso y esquisito. Aruba Trading Company kier a felicita ATIA y demas patrocinadornan pa un gran iniciativa y tremendo organisacion.
 |
Mustra/Kita e formulario di comentario
