| Inventarisacion di negoshinan na San Nicolas |
 |
 |
| Thursday, 28 June 2012 10:46 |
 Departamento di Asunto Economico, Comercio y industria ta informa tur comerciante den e area di San Nicolas cu entrante dia 25 di juni a cuminsa haci un inventarisacion di negoshinan situa den districto di San Nicolas y vecindario. Ta pidi cooperacion di tur comerciante pa tin nan permiso di negoshi corespondiente na e adres ey (vestigingsvergunning, directeursvergunning) disponibel pa e representantenan di Departamento di Asunto Economico. Meta di e inventarisacion ta pa tin informacion tocante ki tipo di negoshinan ta activo actualmente den e area di San Nicolas y ki tipo di productonan y servicio ta bende. E informacion aki lo wordo uza pa Ministro di Asunto Economico, Social y Cultura pa bin cu un maneho pa stimula actividadnan comercial den area di San Nicolas. |
Mustra/Kita e formulario di comentario
