| Un Comunidad Cultural y su aspectonan |
 |
 |
| Thursday, 28 June 2012 10:58 | |||||||||
 Departamento di Cultura Aruba ta trece dilanti su aporte e biaha aki di e aspectonan cultural den un comunidad pa logra un cultura nacional harmonioso, dinamico y sostenibel. Un aspiracion cu nos mester crea conhuntamente pa mantene y sostene pa nos yega na un comunidad culturalmente positivo. Comunidad Arubano mester ta bon conciente di e hecho cu cultura ta un proceso amplio, historico y dinamico. Cultura ta un expresion di hopi aspecto di sociedad y por ser identifica y reconoci door y den entre otro: norma y balor, forma di biba, lenguahe, tradicion, interaccion social, arte y estetica, creencia, derecho humano, educacion, maneho gubernamental, cushinamento, economia (sostenibilidad) y aspecto material di bida. Nos comunidad local a traha un nucleo cultural cu ta identifica un Arubano den cual e cuidadano ta central. Esaki ta forma e structura basico pa tur desaroyo y actividad cultural. Nos no ta para keto tur ora riba lo siguiente cu e Comunidad Arubano ta un comunidad culturalmente integral: tur grupo cultural ta biba hunto den un entendimento mutuo, aceptacion y interaccion social activo y creativo. Un modelo cu por ta competitivo cu cualkier pais grandi caminda nos tur ta biba den un bon harmonia, paz y felicidad. Un punto aki cu nos mester sigui fortifica, preserva y comparti cu otro na bienestar di nos comunidad ta e hecho cu cuidadano hoben, adulto y di edad, continuamente por desaroya su mes culturalmente ( e siñamento cultural di biba largo) basa riba aceptacion social, cuido di salud adecuado, educacion, stabilidad economico y oportunidad di participacion activo pa un y tur. Nos comunidad mester bira un comunidad cu ta percura y cu ta responsabel pa bienestar general y desaroyo personal di su miembronan. Aki ta mira cultura como un herment pa promove relacion individual, mental, salud spiritual, emocional y coherencia social. Dentro di e aspectonan aki ta pidi pa tur sector di comunidad Arubano, incluyendo sector socio-cultural, economico, ambiental y gubernamental pa ta responsabel p’esaki y colectivamente ta boga pa sostenibilidad cultural. Creando e union y responsabilidad aki, por resulta den un comunidad mas fuerte y ta uni nos comunidad cu por trece y duna alegria na cada famia aki na Aruba. Como creador y consumido cultural nan tur ta responsabel den formacion di e contenido y forma pa un desaroyo cultural sostenibel. Departamento di Cultura Aruba lo sigui duna su apoyo na haci e Comunidad di Aruba completamente consciente di e hecho cu cultura ta un proceso amplio, historico y dinamico. Cultura ta manera splica anteriormente un expresion di hopi aspecto di sociedad manera: forma di biba, norma y balor, idioma ‘Nos dushi Papiamento’, tradicion, interaccion social, arte y estetica, creencia, derechonan humano, educacion, gobernacion, cushinamento, economia y migracion, conocemento, moda etc. Den corto tur aspecto di bida intelectual, spiritual, emocional y material. Tur esaki lo contribui na fortifica union y desaroyo cultural entre nos na Aruba.
|
Mustra/Kita e formulario di comentario
y lo bo mira basta problema y prehuicio. Pa por yega cielo tin cu entrega di bo parti.