| Gobierno: Pueblo di Esso Heights tambe a haya bishita di Mike Eman y Plan BoBario |
 |
 |
| Thursday, 06 September 2012 23:08 | |||
|
E meta ta pa duna mas oido na nan preocupacion y necesidadnan no solamente como individuo y famia, pero tambe como comunidad. Den transcurso di ayera mainta, a recore mayoria caya den Esso Heights. Aki tur cas a habri nan porta pa no solamente ricibi, pero duna un bon bini caluroso na Prome Minister. Adulto, hoben y grandi a elogia e gesto di e mandatario di yega mas cerca di su hendenan. Pa prome biaha den historia di Aruba, ta mira un accion di convivencia y sosten manera esun di Gabinete Mike Eman. Esso Heights ta un bario cu ya caba a sinti e atencion y sosten di Gobierno ora cu su casnan a wordo geverf como parti di e programa 'Pinta BoBario'. Na luna di juli ultimo, a recluta hobennan di e bario pa haci e trabou aki y inculca e sentido di boluntario y comunitarismo den nan. E proceso a bay den cooperacion cu cada habitante di cas, den por ehempel, e seleccion di color. E diseño ta uno di Stan Kuiperi inspira den e logo di Esso, pa cual e bario ta carga su nomber. E boluntarionan aki, por cierto, lo ricibi awe for di man di Prome Minister, un certificado di reconocemento pa nan trabou. Entre e accionnan inmediato cu ta forma parti di e campaña coordina y dirigi pa Ruth Tromp y su ekipo di Plan BoBario, por menciona limpieza di caminda y trottoir dor di contratistanan di DOW, limpieza di areanan publico y recogemento di autonan bieu dor di Serlimar, control y prevencion di criadero di sangura dor di GKMB y servicio y informacion dor di personal di FCCA. Entre e sugerencianan cu a bin dilanti tabata esun pa, mescos cu den Village, crea e posibilidad pa e casnan haya un cura bunita cu lo embeyece e cas y henter e bario. Manera ta sosode den tur otro bario, ta clausura e recorido cu un almuerzo na cas di un habitante caminda e biciñanan ta reuni. Den e caso aki, anfitrion tabata Sra. Helen Mohammed. Aki a sigui combersa y intercambia di idea. Hunto cu Prome Minister, representante di e diferente departamentonan publico ta evalua tur e punto y situacionnan treci dilanti pa hunto cu e propio ciudadano yega na solucionnan concreto. Esaki ta e vision social di Gabinete Mike Eman; un vision caminda e biciñanan ta mas cerca di otro, e ciudadano tin un contacto mas estrecho cu e instancianan publico y e gobernantenan ta biba cu nan pueblo.
Comentarionan (6)Mustra/Kita comentarionan ...
Esaki ta promer biaha den historia cu un minister president ta cana den bario y cordina tur cos pa su pueblo ......pabien Eman Mike
,
September 07, 2012
...
Pastorcito berde a bay check riba su 6 cabritonan berde na San Nicolas y claro cu mil lens apunta riba his royal kesha-camaraness
,
September 07, 2012
...
Pesey San Nicolas ta manera e ta. Ora bo tin hopi traidor den un bario cu ta waak pa nan interes so, bo ta hanja e lugar na werki cu excepcion di e cas y negoshi di e traidornan cu lembemania. Mas nan ta pasa zwiep riba boso lomba, mas nan ta desprecia boso lugar, mas nan ta ganja y manipula cifranan y berdad, MAS boso stima boso berduga. Catibonan, lo keda catibo.
,
September 08, 2012
Duna Comentario y/of Comparti riba Social Medi |
Mustra/Kita e formulario di comentario
