| “Dulce Seduccion De La Ilusion” ta e mihor yewa cu Aruba a yega di hanya |
 |
 |
| Saturday, 08 September 2012 16:31 | |||
|
Luis Enrique Cruz no tabata originalmente den e planning di OCA pa trese cabainan di Colombia pa Aruba, pero un coralisacion di suceso a trese e dos iniciativanan hunto, cu e resultado cu Aruba lo hanya un di e mihor yewanan actual pa mira. Ta trata di “Dulce Seduccion de la Ilusion”, cu hunto cu “Mito” lo ta e expectaculo di “Interpaso 2012”. E yewa aki ta “hot”, ya cu ela caba di bira e Gran Campeona Reservada den e famoso y tradicional “Feria de las Flores” na Medellin. E ehemplar aki semper ta ser monta pa Andres Rojas. Cune ela bira Gran Campeona di Exposede 2012 y tambe ExpoMetropolitana Na 2011. Aña pasa e tabata e Gran Campeona Reserva na ExpoOriente y na e feria Nacional y e aña prome cu esey el a logra esey na Envigado. E biaha cu Adolfo Montoya a monte den Copa Medellin 2012 y el a keda di tres. E yewa bao di Rojas a bons back duro den Las Flores y cu e animo halto aki e ta biniendo Aruba. Den Las Flores “Dulce Seduccion” a gana e Gran Campeona den su categoria, pero den e campeonato e cos a bolto. Don Enrique ta e criador di e yewa aki, loke ta un dobbel satisfaccion. Tanto e como su montador ta sumamente entusiasma cu e idea di bin competi na Aruba, ya cu nan a tende tanto di e plaza aki. E lote di 9 cabai di Colombia lo yega Aruba Diarazon otro siman, esta e siman di e gran feria internacional na Villa Floralina. Nan ta instalando na Floralina e stalnan pre-fab cu a caba di yega for di Merca, caminda e cabainan di Merca lo hospeda durante nan estadia na Merca.
|
Mustra/Kita e formulario di comentario
