|
Aruba Bank a celebra Dia di Prensa cu un toke special A consenti miembronan di Prensa den Okeanos Spa |
 |
 |
|
Tuesday, 11 September 2012 16:31 |
|
Aruba Bank a celebra Dia Di Prensa hunto cu miembronan di e diferente Medionan di Comunicacion riba diasabra 8 di september. Den pasado Aruba Bank tabata anfitrion di prensa pa un seminario cu periodistanan Mexicano cu ta traha tur dia den areanan di riesgo. Tambe Aruba Bank ta conoci pa su Happy Hour cu e banco sa organisa pa celebra cu e miembronan di prensa.
E aña aki Aruba Bank a dicidi di regala e miembronan di prensa un regalo personal, pa nan relaha y lubida momentonan druk di trabou. A invita Periodista, reportero, redactor y fotografonan pa lubida riba tur nan instrumentonan di trabao, pone tur cos un banda y disfruta di un mainta of atardi di relahacion. Durante diasabra mainta y merdia, e periodistanan a wordo malcria pa e profesionalnan di Okeanos Spa. "Nos ta hopi contento di tin e oportunidad pa por mustra nos aprecio na nos amigonan di prensa maske ta un biaha pa aña. Di berdad nan merece un bon "pampering" pa tur e trabao duro cu nan ta bin ta eherciendo henter aña. Nos ta spera cu boso a disfruta hopi di boso dia," Feliz Dia di Prensa! asina Shanoulle Bikker, encarga cu e departamento di mercadeo y promocion di Aruba Bank a bisa na e evento aki. Tur miembronan di comunicacion a pasa hopi bon y a relaha un poco den e ambiente fabuloso di Okeanos Spa. Aruba Bank ta traha den forma masha estrecho cu prensa en general y semper Aruba Bank a conta cu sosten completo di prensa y como tal a haci’e un tradicion caba pa brinda cu nan Amigonan di Prensa riba nan dia special.
 |
Mustra/Kita e formulario di comentario
