Den un sala completamente yen cu representantenan di companianan di construccion grandi, mediano y chikito, a tuma luga ayera den Renaissance Convention Center un encuentro riba e tema di construccion.

Minister encarga cu Infrastructura, Integracion y Medio Ambiente Benny Sevinger tabata anfitrion di e evento hunto cu su Infra-Team, cu ta encarga cu maneho di proyectonan di Gabinete Mike Eman. Na apertura di e atardi Prome Minister Mike Eman a hiba palabra. El a cuminsa pa expresa cu e desaroyo nacional awor aki ta brindando masha hopi oportunidad na tur compania trahando den construccion. Experiencia di Gobierno ta mustra cu miho informa un compania ta di kico e desaroyo ta na Aruba, e vision dicon Gobierno a tuma asina hopi iniciativa, lo por yega na un resultado optimal, tanto pa e empresarionan den construccion como pa pais Aruba. E prome mandatario a duna un recompilacion di e situacion cu Aruba a pasa aden desde cu el a haya su Status Aparte, ora cu a conoce un desaroyo economico hopi acelera cu a wordo busca den expansion di e industria turistico. E resultado tabata cu a crece di 2000 camber y 200 mil turista pa 8 mil camber y 1.5 miyon turista, creando un cantidad grandi di cupo di trabou. Pues un exito grandi a wordo logra si mira cu e GDP tambe a crece for di 400 miyon dollar pa 5.1 biyon. “Pero si mira bek un poco critico riba e periodo cu a pasa e ultimo 25 añanan, nos ta nota si cu no semper nos tabata exitoso den traduci e crecemento economico den un bienestar general pa un y tur na Aruba.“ Eman a agrega cu por mira hotelnan grandi di 5 strea na Aruba, pero coriendo den diferente bario di Aruba, no ta sinti of mira cu den e maneho tabata mes exitoso pa impulsa e expansion di e industria turistico pa un mehoracion di calidad di bida pa un y tur riba e isla. Pesey a pone como meta, pa cera e buraco entre un hotel di 5 strea y un bario of centro di ciudad decai, pa logra facilidadnan di 5 strea den tur sector di comunidad. Gobierno kier logra pa casnan den barionan tin cura, caretera y voetpad nan dilanti. “Nos kier pa e ciudadanonan tin luga cu nan por comparti y bisa cu nan no tin simplemente un cas, pero nan tin un hogar tambe.” E Prome Minister a sigui duna ehempel di trabounan cu ta tumando luga na Juwana Morto, De Vuyst, Village, caminda si mira con esakinan ta desaroyando, lo por compronde kico ta e vision di e traduccion di un desaroyo economico cu ta yega den cada skina di e pais. “Esaki ta e esfuerso cu nos a pone nos dilanti. Nos a desaroya un vision cu yama BoAruba cu no solamente ta pidi pa un crecemento economico, pero e calidad di bida di nos hendenan tambe ta subi simultaneamente.”

Comentarionan (1)

Mustra/Kita comentarionan

...

Prome Minister NO ta cansa di papia BARBARIDAD. Enbez di pone PRESION ariba VALERO pa ta un Bon ciudadano,a regale TUR COS na 2009 y ya durante e MOU a prepara e caminda pa VALERO, cuminsa cu e Terminal Transhipment, y awo ta DAL PORTA SERA den cara di Prome Minister Eman. Pa un cantidad asina LIMITA di 66 empleado Prome Minister No por sigui REGALA nan PATRIMONIO di PUEBLO pa nan sigui gana MIYONES pagando ZERO na Belasting na pais ARUBA. PUEBLO lo VOTA pa e PARTIDO, cu den su programma di GOBERNACION, ta COMPROMETI, cu si VALERO no bende y no ta haci posible y atractivo tampoco pa bende e REFINERIA den 6 luna, cu lo PROCEDE pa EXPROPIA e TERMINAL y e tereno di Refineria y GOBIERNO mes lo buska un OPERADOR. Ta BASTA cu PUEBLO mester mira cada rato con Valero ta tuma Prome Minister Eman pa CHAMBOM.

!!!BERDAD!!! , September 11, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi