Friday, 24 May 2013
Panelnan solar instala riba dak di edificio ‘dr. Edward cheung center for innovation’ Print E-mail
Wednesday, 12 September 2012 16:02
DSC_2063
Ya no tin nada mas pa para desaroyo ‘berde’ na Aruba. Partnership cu institutonan di renombre mundial manera TNO, Harvard University, University of Pennsylvania, Carbon War Room y The New America Foundation ta muestra di e dinamismo con Aruba ta bayendo pa wordo converti den un economia completamente sostenibel na 2020.

Aruba ta tumando pasonan grandi y acelera den direccion di sostenibilidad. Riba e dak di edificio ‘dr. Edward Cheung Center for Innovation’ ELMAR a cuminsa pone panelnan solar.

Siman pasa den e propio ‘dr. Edward Cheung Center for Innovation’ un contract a wordo firma entre gobierno di Aruba, ELMAR NV y Oskomera pa construccion di un parke solar riba parkeerplaats di aeropuerto. Un parke solar asina grandi cu e ta bay genera 3.3 megawatt cu ta ekivalente na consumo di 1500 casnan di famia. Un proyecto grandi cu ta hiba Aruba grandemente den logra su meta ‘berde’. Awor a tuma e iniciativa pa instala panelnan solar igual na esnan cu a wordo instala riba e dak di e casnan na Juwana Morto Complex. Prome cu pone e panelnan den funcion ta haci un test prome.

Comentarionan (0)


Mustra/Kita comentarionan

Duna Comentario y/of Comparti riba Social Medi

feedMustra/Kita e formulario di comentario
smaller | bigger

busy
 

Connect with Us

Newsletter