Den un entrevista cu abogado mr. Hose Figaroa, cu ta representa e staf di Valero, a puntre si ta berdad cu Valero no kier atende e negociacion di e plan social cu e grupo aki pero a laga sa cu mester atende esaki, solamente na nivel di abogadonan.

E abogado a splica cu dialuna el a sinta cu e abogadonan di Valero pero den e reunion ey nan no a bisa explicitamente si Valero lo ta presente si of no, pero a bisa nan cu nan lo laga sa ki dia e negociacionnan lo inicia. Abogado Figaroa tin entendi cu Valero si a reuni cu IOWA cu ta e sindicato cu ta representa e demas trahadornan, y for di dje a tende cu Valero no kier sinta cu e abogadonan. Pa mr. Figaroa mescos cu pa e staf esaki ta un perdemento di tempo y nan ta kere cu mehor cos ta pa e staf reuni cu su abogado, Valero cu su abogado y IOWUA cu su abogado pa yega na un acuerdo, caminda cu esun interesa pa resolve e asunto aki mas rapido posible ta Valero mes. Nan mes a pone un “time line” cu ta prome cu 15 di November. Abogado Figaroa y e staf cu e ta representa no tin mucho pura, tog e empleadonan ta sigui cobra pero si ta haya no humano cu e personanan aki ta sigui den incertidumbre. El a splica tambe cu no ta asina cu e empleadonan aki a ser prohibi pa afilia na un sindicato. Esaki no por pa ley, ley ta proteha tur trahador riba nan derecho di drenta den un sindicato. Pero nan mes nunca a haci esaki. Valero a split su empleadonan den dos, esnan cu ta cay bao un CAO y esnan cu no. Pa loke ta e otro trahadornan e abogado ta na haltura cu Valero a bin cu un proposicion pa IOWUA cu ta mas abao cu loke nan tabata expect. Den caso di e staf e abogado a bisa cu nan tin un plan social caba delinea, y nan lo no permiti pa Valero dicta con esaki mester ta, y unico opcion cu tin ta negocia.

Comentarionan (2)

Mustra/Kita comentarionan

...

E companianan aki di Valero manera tur corporacionan Mericano nota kere den Uniion. Nan ta ODIA e idea di rrepresentashon di trahador! Nos Gobierno mester ta na altura di e tendencia anti-Union aki. No por gana cu nan odiio pa union. Sorry, pero esaki ta berdad. Mi nota compronde con nos gobernantenan nota na altura di esaaki. Nan trabou ta pa defende nos trahadornan humilde di Valero.

Compa Shoko , September 13, 2012

• 
• +0
• 
• 

...

Valero semper a apoya trahadornan pa uni na e sindikato pero ta loke ta staff na semper tawata kontra e union na un sindikato nan a wordu aserka pero ora e planta nan tawata ariba nan a nenga esaki ban spera esaki lo kambia den futuru

namaste , September 13, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi